web counter
LEXO PA REKLAMA!

SHKARKO APP

App Store
Google Play

Peleshi: 7 sportistë elitarë do të marrin gradën kolonel

6 Prill 2023, 10:25, Politikë CNA
Peleshi: 7 sportistë elitarë do të marrin gradën kolonel
Ministri i Mbrojtjes Niko Peleshi

Ministri i Mbrojtjes, Niko Peleshi, ka bërë me dije se 7 sportistë elitarë do të marrin gradën “Kolonel i Forcave të Armatosura të Shqipërisë”.

Peleshi gjatë ceremonisë për gradimin e sportistëve është shprehur se Forcat e Armatosura po punojnë çdo ditë për ta bërë më të fortë Shqipërinë, ndërsa zbulon se po ndërtohet baza në Kuçovë.

Ndër të tjera, ministri shtoi se tashmë çdo ushtarak e ka pagën 40% më të lartë se vitin e kaluar.

“Do t'u japim gradën kolonel 7 sportistëve elitarë. Do t'u japim gradën 'Kolonel i Forcave të Armatosura të Shqipërisë'.

Forcat e Armatosura e valëvitin flamurin e Shqipërisë në 7 misione sot në botë, në operacione të NATO-s.

Forcat e Armatosura punojnë çdo ditë për ta bërë më të fortë Shqipërinë tonë. Po ndërtojmë bazën në Kuçovë, atë të Porto Romanos. Ne po i kontribuojmë aleancës me forcimin e krahut përmes bazës ushtarake në Porto Romano.

Po shtojmë edhe specialistët tanë në mbrojtjen kibernetike.

Po shtojmë kapacitet tona të mbrojtjes, po e bëjmë më të fortë flamurin tonë.

Sot çdo ushtarak e ka pagën 40% më të lartë se vitin e kaluar”, tha Peleshi./ CNA.al





Lajmet e fundit nga