web counter
LEXO PA REKLAMA!

SHKARKO APP

App Store
Google Play

PD dhe partitë e vogla drejt bashkimit në front opozitar, dakordësi në parim për kodin e ri zgjedhor

21 Prill 2026, 19:30, Politikë CNA

PD dhe partitë e vogla drejt bashkimit në front opozitar,

Partia Demokratike dhe disa parti të vogla opozitare janë në fazë të avancuar diskutimesh për krijimin e një fronti të përbashkët në zgjedhjet e ardhshme, si dhe për një qëndrim të unifikuar lidhur me ndryshimet në kodin zgjedhor.

Sipas përfaqësuesit të Forumit për Dialogun Politik, Ermal Hasimja, palët kanë arritur një marrëveshje në parim, ndërsa aktualisht po punohet për detajet konkrete të saj.

Ai bëri të ditur se propozimi i diskutuar mes palëve përfshin një sistem zgjedhor proporcional kombëtar me lista të hapura dhe mundësi për koalicione parazgjedhore. Ky model është propozuar nga Forumi dhe dy parti opozitare, ndërsa është pranuar në parim edhe nga Partia Demokratike.

Sipas Hasimjas, synimi i këtij sistemi është të garantojë përfaqësim më të drejtë të qytetarëve, një garë më të hapur elektorale dhe rritje të rolit të kandidatëve individualë përmes listave të hapura. Po ashtu, ai thekson se një formulë e tillë do të krijonte më shumë hapësirë për partitë e reja opozitare.

Negociatat mes palëve pritet të vijojnë në ditët e ardhshme për finalizimin e marrëveshjes dhe detajimin e mekanizmave të bashkëpunimit në zgjedhje./ CNA





Lajmet e fundit nga