web counter
LEXO PA REKLAMA!

SHKARKO APP

App Store
Google Play

Pasi zgjodhi veten president, Meta ndërron Kryesinë dhe sekretarët e PL-së

30 Prill 2024, 13:14, Politikë CNA
Pasi zgjodhi veten president, Meta ndërron Kryesinë dhe
Ilir Meta

Të shtunën e 27 prillit, Ilir Meta mbajti Konvetën e PL-së, ku u zgjodh vetë president i partisë dhe zv.presidente Erisa Xhixho.

Ditën e sotme, Meta njoftoi gjatë një deklarate për shtyp se do të rizgjidhet Kryesia e PL-së dhe sekretarët e saj.

Meta zbuloi emrat e kandidatëve për anëtar të Kryesisë dhe kandidatët për sekretarë të partisë së tij.

“Kryesia e Partisë së Lirisë, propozoi që përveç se votë besimit, të gjithë anëtarëve të kryesisë, që janë aktualisht, të hedh në votim për anëtarë të rinj të kryesisë politike, emrat si më poshtë.

1. Myrvete Asqeri, anëtare e Komitetit Drejtues Kombëtar, bankiere, njëkohësisht dhe kandidate për zëvendës Presidente

2. Adriatik Hoxha, anëtar i Komitetit Drejtues Kombëtar, dhe Sekretar për sportet, jurist

3. Ana Xhidia, anëtare e Komitetit Drejtues Kombëtar, analiste finance

4. Besnik Jakaj, anëtar i Komitetit Drejtues Kombëtar, mjek në kryeqytet

5. Fatjona Selimaj, anëtare e Komitetit Drejtues Kombëtar, Kryetare e Partisë së Lirisë, Fushë-Arrëz, juriste

6. Erisilda Hoxha, anëtare e Komitetit Drejtues Kombëtar, Kryetare e Partisë së Lirisë, Kuçovë

7. Brunilda Salaj, anëtare e Komitetit Drejtues Kombëtar, mësuese Tiranë

8. Pegiola Toro anëtare e Komitetit Drejtues Kombëtar, dhe këshilltare, inxhiniere hidro-teknike, bashkia Roskovec

9. Denis Hidri, anëtar i Komitetit Drejtues Kombëtar, sipërmarrës dhe administrator

Njëkohësisht sipas kërkesës transparente të bërë nga Kryesia e Partisë së Lirisë, drejtuar anëtarëve të tjerë të Komitetit Drejtues Kombëtar, për të paraqitur individualisht kërkësat e tyre, deri në orën 10.00 të ditës së sotme, që ishte dhe afati i fundit, kanë paraqitur kërkesat, Elda Ballabani, psikologe, Vivian Golemi, Universiteti Europian i Tiranës, Baki Dervishi, inxhiner hidro-teknik, zëvendës kryetar i bashkisë së Kavajës, Blerim Buçpapaj, mjek, Halim Peca, punë sociale dhe shkencat e edukimit, dhe Arla Merja, studente për drejtësi.

Të gjitha këto kërkesa, automatikisht do të reflektohen në fletën e votimit.

Po kështu, Partia e Lirisë ka vendosur ti propozojë Komitetit Drejtues, pra Kryesia e Partisë së Lirisë, edhe për 4 zëvëndës Sekretar të Përgjithshëm, të cilët do të jenë në mbështetje të Sekretarit të Përgjithshëm, Presidentit dhe Zëvendës Presidentet, të cilët janë:

1.Silva Caka, aktualishte sekretare për marrëdhëniet me publikun, jurist, anëtare e Këshillit Bashkiak Tiranë, dhe ish deputete,

2. Brunilda Haxhiu, sekretare për  familjen dhe kundër shpopullimit, filozofi-sociologji,

3. Anxhela Shenaj, këshilltare bashkia Vlorë, ekonomiste,

4. Bedri Mehori, anëtar i Komitetit Drejtues Kombëtar, dhe ekspert i njohur sigurisë”, u shpreh ai./ CNA





Lajmet e fundit nga