E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Partneriteti me KiE/ Shoqata e Bashkive prezanton sfidat e pushtetit vendor

17 Nëntor 2025, 22:51, Politikë CNA

Sot, delegacioni i Shoqatë së Bashkive dhe e të Zgjedhurve , i kryesuar nga Presidenti i saj, Fisnik Qosja, mori pjesë në takimin zyrtar të organizuar në kuadër të Monitorimi i Aplikimit të Kartës Europiane në Vetqeverisjen Vendore në Shqipëri.
Misioni i monitorimit u drejtua nga: Anders Knape, raportues për Demokracinë Vendore, Dhoma e Bashkive dhe anëtar i Këshillit Bashkiak të Karlstad, Suedi;
Sören Schumacher, raportues për Demokracinë Rajonale,Dhoma Rajoneve, SOC/G/PD, dhe anëtar i Hamburgische Bürgerschaft, Gjermani.

Gjatë takimit, delegacioni i përzgjedhur i Shoqatës paraqiti një panoramë të qartë e të detajuar mbi dinamikat aktuale të pushtetit vendor në vend. U theksuan çështje kritike si:
-autonomia e cunguar e njësive të vetëqeverisjes vendore,
-decentralizimi financiar i kufizuar,
-ndërhyrjet jo të ligjshme në punët dhe kompetencat e bashkive,
-si dhe vështirësitë që ndikojnë drejtpërdrejt në funksionimin efektiv të institucioneve vendore.

Në këtë kuadër, Presidenti Fisnik Qosja ritheksoi edhe një herë të pavërtetën e disa zërave nga organizata të ndryshme, të cilat kanë pretenduar se Shoqata e Bashkive dhe e të Zgjedhurve është “asimiluar” apo nuk ekziston.
Ai sqaroi qartë para monitoruesve se Shoqata e Bashkive dhe e të Zgjedhurve Vendorë vazhdon të qëndrojë e palëkundur në misionin e saj, si organizatë më vete në mbrojtje të interesave të pushtetit vendor dhe në shërbim të anëtarëve të saj.

Përfaqësuesit e Kongresit të Autoriteteve Lokale dhe Rajonale dëgjuan me shumë interes shqetësimet dhe sqarimet e paraqitura, duke vlerësuar transparencën dhe rëndësinë e informacionit të ofruar.

Shoqata e Bashkive dhe e të Zgjedhurve mbetet e angazhuar në mbrojtjen e parimeve të vetëqeverisjes vendore dhe në promovimin e një pushteti vendor të fuqizuar, funksional dhe në shërbim të komuniteteve dhe integrimit të vendit në familjen Evropiane./CNA