web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron Ahmetaj/ Në të ardhmen e afërt do të flas për akuzat, supozimet dhe përtej

23 Nëntor 2023, 11:05, Politikë CNA
Paralajmëron Ahmetaj/ Në të ardhmen e afërt do të flas
Ish-zv.kryeministri dhe ish-ministri, Arben Ahmetaj

Ish- zv.kryeministri dhe ish-ministri, Arben Ahmetaj, ka bërë një paralajmërim në rrjetet sociale në lidhje me akuzat e ngritura ndaj tij.

Ahmetaj deklaron se në të ardhmen e afërt do të flasë për akuzat, supozimet dhe përtej tyre.

Ish-zv.kryeministri e ka bërë këtë paralajmërim pas analizës së firmës ligjore prestigjioze në SHBA “Nixon Peabody”, e cila ka shqyrtuar të gjithë dosjen e Ahmetajt.

Firma ligjore ka përpiluar një raport prej 420 faqesh dhe ka dalë në konkluzionet se akuzat ndaj Ahmetajt janë sulme të orientuara politikisht.

"Të nderuar Qytetarë,

 Në vazhdën e persekutimit politik për më shumë se një vit e gjysëm, të vazhduar e orientuar në media (të financuara nga inceneratorët) dhe në institucionet e akuzës, u detyrova të kërkoja një Opinion të dytë të pavarur (Indipendent Second Opinion) nga një firmë ligjore ndërkombëtare me qendër në SHBA.

Firma ligjore “Nixon Peabody” mori në shqyrtim të gjithë raportin e SPAK paraqitur në kërkesën që ky i fundit dorëzoi në Kuvend për heqjen e imunitetit parlamentar. Firma ligjore “Nixon Peabody” pas disa muajsh punë me bashkëpunëtorë me eksperiencë të fushës (ish-prokurorë federalë, apo ish-investigatorë të institucioneve ligjzbatuese amerikane) kanë prodhuar një raport të gjatë prej 420 faqesh duke u bazuar në standardet ndërkombëtare, prezumimin e pafajësisë dhe të drejtat themelore të njeriut.

Në raport ka dhe një përmbledhje prej 38 faqesh, ku bie në sy një nga konkluzionet e “political motivation or others…”, pra sulme te orientuara politikisht, për akuzat e ngritura ndaj meje,  përmbledhje e cila mund të lexohet lehtësisht nga kushdo i interesuar.

Këtë raport ia kam dërguar Ministrit të Drejtësisë, Kryetares së Kuvendit, Kryeinspektorit Metani, si dhe disa përfaqësive të huaja të shteteve dhe institucioneve që kanë kontribuar në reformën në drejtësi.

Më poshtë kam atashuar linkun e materialit të plotë, i cili është lehtësisht i aksesueshëm.

Tashmë nuk kam më as habi, e as çuditem nga goditjet e orientuara, të kaluara, të tashme e të ardhme. Nuk kam çudi as nga standardet e aplikuara. Në të ardhmen e afërt do të komunikoj në detaje për akuza / supozime e përtej…", nënvizon Ahmetaj./ CNA





Lajmet e fundit nga