web counter
LEXO PA REKLAMA!

SHKARKO APP

App Store
Google Play

E fundit!

x

“Nuk na merr malli për Rusinë”/ Rama: Shqipëria është në krah të Ukrainës

15 Maj 2025, 13:24, Politikë CNA

“Nuk na merr malli për Rusinë”/ Rama: Shqipëria

Gjatë konferencës së përbashkët për shtyp të kryeministrit Edi Rama me homologun e tij britanik Keir Starmer që mbërriti këtë të enjte në Tiranë, ndër të tjera u bënë edhe deklarata lidhur me situatën Ukrainë-Rusi. Në fjalën e tij, Rama theksoi se në pothuajse tri dekadat e fundit, asnjë president apo kryeministër rus nuk ka vënë këmbë në Shqipëri, duke iu referuar marrëdhënieve mes dy vendeve.

Rama u shpreh se Shqipëria ka qenë që në krye të herës në krah të Ukrainës.

Rama shtoi se në këtë aspekt edhe Shqipëria ndjek vizionin e Europës, e orientuar gjithnjë drejt paqes.

 “Jeni në një vend, i cili që nga ndryshimi i regjimit prej një diktature në një demokraci 35 vjet më parë, asnjë president apo kryeministër rus nuk ka vënë këmbë këtu. Dhe asnjë prej këtej nuk ka fluturuar në Rusi. Nuk na merr malli dhe as nuk po kërkojmë ta ndryshojmë. Por kjo është histori e gjatë që lidhet me historikun tonë me ish-BS dhe Rusinë. Thënë kjo, dua të them që ne kemi qenë që në krye të herës në krah të Ukrainës. Ne jemi të vetëdijshëm që edhe pse ky vend ka kryeministrin më të gjatë në NATO, nuk ka fuqinë a peshën e vendeve të tjera për të luajtur ndonjë rol madhor apo përcaktues, por s’duhet të harrojmë se jemi të bekuar se kemi lindur në kontinentin e iluminizmit dhe me hapësirë të njerëzimit ku lindi pa dritën ëndrra e paqes së përhershme dhe vetë Europa është projekt që ka qenë i orientuar gjithnjë drejt paqes. Do të bëjmë gjithçka që të kemi fuqinë për të mbrojtur lirinë, vlerat. Po kështu kurrë nuk duhet të heqim dorë nga kërkimi i paqes. Ndonjëherë duket e padrejtë, por është natyra e të qenit europian, dhe e të qenit nga ana e njerëzimit, jo e barbarëve”,-tha Rama./CNA

 





Lajmet e fundit nga