web counter
LEXO PA REKLAMA!

SHKARKO APP

App Store
Google Play

Nuk e mbajtën nervat dhe i hodhi mokrofonin Bushkës/ Bardhi ankohet pse nuk e lanë të flasë

16 Nëntor 2022, 19:54, Politikë CNA
Nuk e mbajtën nervat dhe i hodhi mokrofonin Bushkës/ Bardhi ankohet
Gazment Bardhi dhe Klotilda Bushka

Deputeti Gazment Bardhi  u bë i dhunshëm në mbledhjen e mbrëmshme të Komisionit të Ligjeve, ku pas një debati për Portin e Durrësit i “flaku” tej mikrofonin kryetares së Komisionit , Klotilda Bushka.

Për këtë sjellje, deputetët e PS-së kanë kërkuar të merret masë disiplinore ndaj Bardhit, ndërsa pak më parë ka reaguar ky i fundit.

Me anë të një statusi në rrjetet sociale, deputeti i PD-së ankohet se i është hequr e drejta për të folur.

“Vullnetarët e Edvinit paskan kërkuar marrjen e masës disiplinore ndaj meje se paskam reaguar pse opozitës i hiqet e drejta kushtetuese për të folur në Komision ndaj aferës korruptive të Portit të Durrësit.

Çdo deputet ka të drejtën të diskutojë për një projektligj dhe mohimi i kësaj të drejte është shkelje flagrante e Rregullores! Vetëm në regjimin korruptiv të Edi Ramës ndodh që deputetëve tu mohohet e drejta e fjalës dhe më pas ato të mbajnë përgjegjësi pse reagojnë ndaj shkeljes së Rregullores.

2.1 miliard euro të korrupsionit qeveritar që Edi Rama dhe vullnetarët e tij synojnë të pastrojnë në projektin e portit të Durrësit nuk fshihen dot as me masa disiplinore dhe as me heqjen e të drejtës së fjalës në Komision. Faktet e kësaj afere korruptive kanë dalë e do dalin në dritë çdo ditë. Përgjegjësia për këtë nuk është disiplinore, por penale! Faktet nuk i fsheh dhe nuk i manipulon dot as një Olsi për llogari të një Olsi, siç u bë me dosjen “Xibraka”!”, shkruan Bardhi./ B.A. – CNA.al





Lajmet e fundit nga