web counter
LEXO PA REKLAMA!

SHKARKO APP

App Store
Google Play

Nisma “Identiteti Digjital”/ Rama: Gati në vitin 2026, lehtësi për qytetarët, shtetin dhe ekonominë

20 Tetor 2025, 12:56, Politikë CNA

Nisma “Identiteti Digjital”/ Rama: Gati në vitin 2026,

Kryeministri Edi Rama ishte sot i pranishëm në ambientet e Piramidës së Tiranës, për të prezantuar një nismë të re të quajtur “Identiteti Digjital”.  

Në fjalën e tij, Rama e cilësoi si një hap domethënës për Shqipërinë në rrugën e saj drejt modernizimit teknologjik, që do të mundësojë lehtësira për qytetarët, shtetin dhe ekonominë e vendit.

Rama tha se ky objektiv pritet të realizohet brenda vitit 2026, teksa përafron edhe me synimin e ngjashëm të shpallur nga Bashkimi Europian.

“Prej kohësh tanimë, ne jemi angazhuar me shumë dëshirë, por edhe me ambicie, për të krijuar identitetin digjital. Është baza e një kapërcimi tjetër të madh dhe i një projektimi në të ardhmen falë teknologjisë. Në dijeninë time, do të jetë në dispozicion të publikut, raportit mes qytetarëve dhe shtetit, si edhe ekonomisë sonë në vitin e ardhshëm. Është edhe objektiv i shpallur i BE-së deri në vitin 2027. Ne do të jemi 1 vit më parë dhe e theksoj jo për të nënkuptuar apo afirmuar ndonjë përparësi, por për të rikujtuar edhe një herë se përparësia që teknologjia i jep çdo vendi që e përqafon dhe që i drejtohet për të kapërcyer, për të kaluar edhe pengesat historike, e quaj një bekim të kësaj kohe. Përmes kësaj teknologjie, vendet mund të imagjinojnë të kapërcejnë epoka, që do të ishin të pamundura me shpejtësinë e progresit linear që pararendi epokën e teknologjisë. Prandaj besojmë në teknologjinë e inovacionit”,-tha Rama./CNA

 

 





Lajmet e fundit nga