web counter
LEXO PA REKLAMA!

SHKARKO APP

App Store
Google Play

Mosparaqitja në SPAK për çështjen "21 janari"/ Berisha: Nuk kam marrë fletëthirrje

14 Nëntor 2025, 13:26, Politikë CNA

Mosparaqitja në SPAK për çështjen "21 janari"/

Kryetari i PD-së, Sali Berisha, është pyetur në konferencën me gazetarët për mosparaqitjen e tij sot në SPAK pas fletëthirrjes për çështjen e “21 janarit”.

Berisha tha se ai nuk është paraqitur sepse pretendoi se nuk kishte marrë asnjë fletëthirrje. Ai shtoi më tej se është një nga personat më të interesuar për zbardhjen e ngjarjeve të asaj dite.

"E kam deklaruar dhe faktuar që unë i përgjigjem çdo thirrjeje, të kujtdo qoftë. Nuk ka asnjë lloj lëkundje në këtë qëndrim dhe nuk mund të ketë kurrë. Kur niset një fletëthirrje, ligji është që dorëzohet dhe atij që i dorëzohet i merret fima. Dhe unë qoftë në seli apo banesë kam njerëz të përgjegjshëm që nuk firmosin kurrë për një dokument të adresuar tek unë. Nga data 3 deri më 14 ai dokument mund të vinte 5 herë në zyrën time, shtëpi, ose në Parlament. Dhe nuk ka ardhur. Por duhej kjo që të krijohen lajme nëpër emisione, nëse do shkoj ose jo. Asnjëri nëse kthehemi te data 21 janar, ora 7:00 e darkës, njeriu i parë që ka kërkuar hetim të plotë për atë ditë është Sali Berisha.

Unë isha thellësisht i interesuar për hetime, ndoshta më shumë se kushdo tjetër. Kjo duhej të zbardhej në interesin më të mirë te shtetit shqiptar. Nga viti 2013 kanë kaluar 12 vite, dhe ai hetim nuk u bë sepse nxjerr përgjegjës kryesor, për protestën më të dhunshme në historinë e vendit, Edi Ramën. Prandaj nuk bëhej hetimi. Ndaj Ina Rama nuk thërriste Sali Berishën. Nëse e bëjnë këtë për të mbuluar skandalet, do të marrin vetëm dështimin. Nuk më kanë thirr. Sa herë t'më thirrin do të shkoj, ska asnjë gjë.", tha Berisha. 





Lajmet e fundit nga