E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Lulzim Bashën duhet ta çojnë tek një psikiatër

8 Dhjetor 2024, 20:08, Politikë CNA

Prej më shumë se një javë, Lulzim Basha ka filluar të regjistrojë "intervista" ku shfaqet si anti-Berisha që do shpëtojë Shqipërinë.

Pyetjes "a do marrë pjesë në zgjedhje" i përgjigjet pa droje se "do marri pjesë në zgjedhjet e 11 Majit".

Për habi të të gjithëve askush nuk e pyet pas kësaj se si do bëhet e mundur kjo, pasiqë Luli nuk ka as Parti as elektorat.

Kaq shpesh i është bërë e njëjta pyetje (sikur ta ketë shkruar vetë Luli), saqë me të drejtë një gazetar i bërë kurioz, pyeti Berishën nëse Lulzim Basha do përfshihej nga ai në listat për deputet.

Siguria me të cilën i pergjigjet Luli pyetjes: a do futet në zgjedhje, tregon shumë jo vetem për Lulin ne fakt, por edhe për figurantet që zgjedh Luli që t'i lexojnë pyetjen.

Nëse pyetëset do ishin gazetare që kanë ndjekur të pakten prej një muaji politikën, atëherë pyetja që mund të kish kuptim nuk mund të ish: a do marrësh pjesë në zgjedhjet e 11 Majit. Të paktën ta pyesin "a shpreson që Berisha të të përfshijë në listë për deputet".

Fjalia e deklaruar nja 10 herë deri tani nga Basha: "do marr pjesë në zgjedhjet e 11 Majit", për momentin duket vetëm si lutje që dikush ta fusi në listë.

Por pyetja që duhet të pasonte një intervistë të logjikshme nga një intervistues me pak tru në kokë , do ish: si do futet në zgjedhje Lulzim Basha?

Mos u habisni që Luli pasi e ka deklaruar 10 herë të njëjtën fjali, sot të ketë filluar ta besojë edhe vetë që do hyjë në zgjedhje.

Pyetjes se a e ka gati listën e kandidatëve për deputet, Luli ju përgjigj: po punojmë dhe shumë shpejt do mund të shpallim edhe listën.

Cilën listë?

Lulzim Basha nuk ka subjekt politik. Ai është ende anëtar i grupit parlamentar të Partisë Demokratike.

Po punon për listen e PD?

Lulzim Basha nuk ka bërë lista as kur ish "Kryetar" i PD, se ato ja çonte Ivi Kaso që t'i firmoste ne ora 00.05.

E ka deklaruar vetë që ai nuk e drejtonte PD-në, sepse atë e drejtonte Berisha dhe ai ishte vetëm formalisht Kryetar.

Por Lulzim Basha sot flet me të njëjtin fjalor dhe jep të njëjtat përgjigje sikur të ish ende formalisht Kryetar i PD.

Mirë Luli se nuk e paska ndërruar regjistrin, po intervistuesit si ka mundësi që duken si roboticka, bëjnë formalisht pyetjet dhe as habiten nga përgjigjet e as behen kurioze se si do hyjë Luli në zgjedhje tani që nuk është as formalisht Kryetar i PD?

Mirë Luli që flet si një i programuar që nuk ja kanë ndërruar ende komandat, po intervistuesit çfarë materie kanë brenda kafkës?

Hapni dhe dëgjoni përgjigjet e Lulzim Bashës!

Kaq i sigurtë është që do futet në zgjedhje dhe kaq natyrale i dalin përgjigjet për listat që po përgatit për kandidaturat saqë duket se gjendja e tij nuk është hiç për të qeshur.

Luli duhet të vizitohet urgjent tek një mjek i mirë.

Deri dje ato që thosh dukeshin fjali të një mashtruesi të pacipë që gënjen edhe për orën. Sot duket se ky tipi që ka qenë gjatë formalisht Kryetar i PD, ka një problem të madh minimumi me perceptimin e realitetit.

Ato që ai po deklaron, kapërcejnë gënjeshtrat! Ai ose po i beson edhe vete gënjeshtrat që thotë, dhe kjo është gjendje psiqike shqetësuese, ose ai po jeton në një realitet tjetër në të cilin ndihet Kryetar dhe me mendjen e tij edhe ulet e shkruan lista kandidatesh për deputet. Akoma më rëndë nëse kur kthehet në shtëpi ulet vërtetë e shkruan emra nëpër letra. Por nëse ndodh edhe kjo atëherë për këtë përgjegjësi kanë familjarët që e shohin dhe nuk bëhen merak.

Luli duhet vizituar urgjent. Dhe kaq rëndë sa shfaqet, i duhet një psikiatër shumë i zoti./ CNA