E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Lidhjet e reja të McGonigal/ Berisha: Fati i tij është i pandalshëm, do shkojë me Ramën në burg

9 Maj 2023, 21:07, Politikë CNA

Lidhjet e reja të McGonigal/ Berisha: Fati i tij është i

Kreu i PD-së, Sali Berisha

Mediat e huaja kanë raportuar për një tjetër skandal që lidhet me ish-shefin e lartë të FBI-së, Charles McGonigal.

Ata raportojnë se Everett Stern, ish-kandidati për Senatin Amerikan, autor dhe Drejtor i Inteligjencës i Tactical Rabbit iu afrua McGonigal në vitin 2018 gjatë një hetimi të dytë në bankën HSBC për shkelje të sanksioneve dhe pastrim parash.

Qëllimi i tij ishte që të përdorte McGonigal si një pikë kontakti për të gjetur një diamant të vjedhur të Oleg Deripaskës nga një koleg i ngushtë i McGonigal dhe ish agjent i FBI-së, i cili gjithashtu është arrestuar dhe akuzuar për komplot dhe akuza të tjera.

Lidhur me këtë denoncim të mediave të huaja, ka folur mbrëmjen e sotme në Korçë, kreu i PD-së, Sali Berisha.

Ky i fundit tha se fati i McGonigal është i pandalshëm, ndërsa pretendon se edhe kryeministri Edi Rama do të shkojë në burg me ish-shefin e FBI-së.

“Edi Rama i ka të numëruara kohërat. Edhe sot, mediat amerikane sjellin të dhëna që e tronditin atë gjithnjë e më shumë. Flet për Amerikën njeriu që i korruptoi SHBA-ve njërin nga njerëzit më kryesorë të sigurisë së tyre, shefin e kundërzbulimit.

Ju garantoj se është i pandashëm nga fati i McGonigal. Ky është McGonigal shqiptar dhe do të shkojë të vuajë burgun bashkë me të.

Edi Rama nuk ka projekte, ka vetëm mashtrime. Premtoi rritje rrogash pasi opozita e demaskoi atë në mënyrën më të fuqishme për ngrirjen e rrogave, për varfërinë në rritje, për mosdhënien e ndihmës ekonomike atyre që e meritojnë.

Doli me mashtrimin e radhës: do rris rrogat mesatare në 900 euro. Bëri një ligj, e solli në parlament dhe e mbylli parlamentin.

E ftova, urdhër pasnesër të hapim parlamentin të votojmë ligjin. Por nuk vjen se është mashtrues. Ai nuk ka respekt për qytetarin. Ndaj dhe rëndësi kritike ka t’i japim atë që meriton më 14 maj.

Frikë dhe tmerr nga vota e idealistëve, frikë dhe tmerr nga vota e opozitarëve. Kalon si sharlatan nga sheshi në shesh dhe u bën thirrje të mos merrni pjesë në votime”, theksoi Berisha./ CNA.al