web counter
LEXO PA REKLAMA!

SHKARKO APP

App Store
Google Play

Largimi masiv i shqiptarëve/ Rama drejton gishtin nga sipërmarrjet: Reflektoni pa humbur kohë

13 Mars 2023, 11:51, Politikë CNA

Largimi masiv i shqiptarëve/ Rama drejton gishtin nga sipërmarrjet:

Kryeministri Rama, gjatë fjalës së tij në aktivitetin e prezantimit të strategjisë për Tiranën, tentoi të “shfajësohej” për largimin e shqiptarëve nga vendi. Ai tha se duhet bërë më shumë për të shpërblyer siç duhet mundin e shqiptarëve, në mënyrë që të mos largohen nga vendi.

Kryeministri theksoi se sipërmarrjet janë ato që duhet të reflektojnë sepse duke shtrënguar dorën te pagat ndaj punonjësve, kanë hapur një gropë, atë të humbjes së kapitalit njerëzor.

Rama tha se nëse nuk nxitojmë ta mbyllim sot, kjo gjë do bëhet e pamundur pas disa viteve.

"Ne jemi në një fazë në të cilën duhet të synojmë rritjen e vazhdueshme të pagave. Jemi në një fazë kur duhet ta konsiderojmë këtë, bashkë me vitet që vijnë, si kohën maksimale që kemi për të kapërcyer hendekun, që bëhet i pakapërcyeshëm nëse nuk veprojmë sot. Kjo është shumë më e lehtë ta thuash sesa ta bësh. Kjo është ajo që na ballafaqon më egërsisht dhe në mënyrë të pashmangshme mes dëshirës dhe mundësive.

Nga ana tjetër nuk është e pamundur që ne të bëjmë më shumë dhe të synojmë me patjetër që njerëzit tanë, në vendin tonë, si në sektorin publik dhe në atë privat, të mos ndihen keq, të pavlerësuar apo të sfiduar nga mundi i pashpërblyer dhe tundimi për t’u larguar.

Ne nuk hyjmë dot në konkurrencë as me Gjermaninë, apo destinacionet e tjera ku ata largohen, kur vjen puna te shpërblimi i fundit të muajit, por kemi mundësinë për veprim intensiv për të garantuar që njerëzit në të gjitha fushat e jetës, të marrin atë që është maksimumi i mundshëm i këtij vendi.

Këtu sipërmarrja private duhet të bëjë një reflektim pa humbur kohë sepse duke shtrënguar dorën më shumë seç duhet dhe duke i lënë pagat për të punësuarit të fundit, i ka hapur vetes një gropë që nëse nuk nxitojmë ta mbyllim sot, do bëhet e pamundur pas disa viteve, ai i humbjes së kapitalit njërëzor", u shpreh kryeministri Rama./CNA.al





Lajmet e fundit nga