web counter
LEXO PA REKLAMA!

SHKARKO APP

E fundit!

x

Këngëtarët e Veliajt kundër Ramës

11 Shkurt 2025, 15:53, Politikë CNA

Këngëtarët e Veliajt kundër Ramës

Arrestimi i Erion Veliajt një ditë më parë ka zgjuar të gjithë dashurinë e “çmendur” të “VIP”-ave tanë nëse mund t’i quajmë të tillë, për Kryebashkiakun.

Pas arrestimit të kryebashkiakut në rrjetet sociale kanë plasur komentet dhe dashuria e madhe e tyre, mbështetja e këngëtarëve për Veliajn.

Disa prej tyre dalin dhe në dosjen e gjykatës që janë financuar nga Bashkia e Tiranës.

Këngëtarët që mbështesin sot Erion Veliajn janë shprehur se kryebashkiaku ka bërë punë të madhe dhe e ka ndryshuar Tiranën nga qyteti që ka qënë më parë që sipas tyre askush nuk mund ta harrojë.

“Ke ndërtuar Tiranën moderne që nuk duhet harruar si ishte”, thuhet në një nga postimet në rrjetet sociale të Kryebashkiakut.

“E transformove Tironen nga nje hale ne kryeqytet. Never give up Lal”, shkruan një tjetër personazh i njohur si Ilir Shaqiri.

Këngëtarët e Veliajt kundër Ramës

Këngëtarët e Veliajt kundër Ramës

Këngëtarët e Veliajt kundër Ramës

Por ky duket në fakt si një sulm kundër Ramës, sepse faktikisht para se të vinte Veliaj, Bashkia e Tiranës është drejtuar për 3 mandate dhe rreth 11 vite nga Edi Rama dhe rreth 4 vite nga Lulzim Basha.

Kur këngëtarët thonë se Tirana ka qenë një hale dhe nuk kanë patur besim në drejtimin e Bashkisë në vitet e mëparshme, për kë e kanë fjalën, për Edi Ramën? Apo mos vallë i ka vërsulur Lali?

Ajo që në fakt duhet nënvizuar me të madhe është histeria e madhe dhe dashuria e çmendur e VIP-ave tanë për kryebashkiakun Erion Veliaj, njeriun që sot ndodhet pas hekurave dhe mbi të rëndojnë një sërë akuzash të rënda. / CNA





Lajmet e fundit nga