web counter
LEXO PA REKLAMA!

SHKARKO APP

App Store
Google Play

E fundit!

x

Ina Zhupa në Sarandë: Turizmi i përgjysmuar, qeveria kërkon fajtor dhe nuk merr përgjegjësitë

25 Shtator 2024, 09:52, Politikë CNA
Ina Zhupa në Sarandë: Turizmi i përgjysmuar, qeveria kërkon
Deputetja e PD-së, Ina zhupa

Deputetja Ina Zhupa zhvilloi takime në qytetin e Sarandës me bizneset dhe operatorët turistikë për të kuptuar si shkoi sezoni i verës për nga turizmi.

Zhupa shprehet se bizneset janë ankuar për përgjysmim të numrit të turistëve dhe që qeveria nuk bashkëpunon për të rregulluar kushtet dhe ofertën për vitin e ardhshëm, por që mjaftohet duke ua hedhur fajin çmimeve të hotelerisë apo restoranteve.

“Pritshmëritë për 2024 ishin për të qenë më e begatë se 2023 por në fakt nuk arriti as gjysmën e numrave të vitit të kaluar.

Turistët në Sarandë shkurtonin ditët e qëndrimit pasi kishin ardhur duke kërkuar të ktheheshin më shpejt në vendet e tyre, ose të largoheshin për në Korfuz për ditët e mbetura. Turizëm cilësor pa ujë nuk ka, turizëm cilësor pa rrugë nuk ka, turizëm cilësor pa trashëgimi kulturore nuk ka. Dhe këto janë detyra themelore të qeverisë dhe jo të bizneseve që sipas qeverisë janë fajtore të kësaj situate.

Problematikat që na numëruan në takimet tona janë të shumëllojshme:

1-Mungesa e investimeve për transportin publik, kaos në qytet me trafikun e rënduar. Rrugët që bëheshin arnime mbi arnime në mes të sezonit ishin stres më vete.

2-Qyteti që kundërmonte me erën e mbetjeve nga mungesa e menaxhimit të tyre efektiv dhe gjendja katastrofale e mbetjeve në rrugë.

3- Konkurrenca e pandershme ku ata që nuk kontrollohen nga shteti abuzojnë me çmimet dhe u prishin imazhit edhe të tjerëve.

4- Mungesa e parkimeve publike. Asnjë parkim publik, apo me pagesë bashkisë nuk ka në Sarandë.

5- Vendet e trashëgimisë kulturore nuk mbrohen dhe nuk përbëjnë më interes për turistët edhe për shkak të gjendjes së tyre. Vetëm Butrinti dhe Syri i Kaltër ngelen ende destinacione të preferuara.

6- Mungesa e aktiviteteve për të gjitha moshat dhe në zona të caktuara që nuk shkaktojnë gjullurdi në qytet.

Këto ishin disa nga problemet kryesore që ata cilësuan duke kërkuar që shteti të jetë bashkëpunues me ta për të pasur sukses në turizëm.”/CNA





Lajmet e fundit nga