web counter
LEXO PA REKLAMA!

SHKARKO APP

App Store
Google Play

Imuniteti i Ballukut/ Debate mes Ballës dhe Bardhit: Raporti do të jetë gati në 12 mars

5 Mars 2026, 10:31, Politikë CNA

Imuniteti i Ballukut/ Debate mes Ballës dhe Bardhit: Raporti do të

Imuniteti i Belinda Ballukut është kthyer sërish në një arsye debati mes dy krerëve të grupeve parlamentare Taulant Balla dhe Gazment Bardhi.

Bardhi kërkoi të votohej për përfshirjen në rend dite të imunitetit të Ballukut, ndërsa Balla u shpreh se në 12 mars do të jetë gati raporti i PS-së.

“Sa lidhje kam unë me besimin, i vetmi që s’ke asnjë lidhje je ti, as me besimin, as me vlera të tjera morale dhe familjare. Mungesa e vlerave morale dhe familjare janë të rëndësishme për t'u konsideruar për çdo person.

Qëndrimi ynë ka qenë i qartë. Për mbledhjen e Këshillit të Mandateve e kemi bërë të qartë qëndrimin tonë, në përfundim të mbledhjes kemi komunikuar se si e sqaron rregullorja e Kuvendit këtë akt procedural.

Në Këshillin e Mandateve ka pasur dy mendime dhe dy qëndrime. Këshilli brenda 2 javëve harton raport. Jemi brenda kohës. Në këtë Grup Parlamentar nuk i merr vendimet kryetari i grupit, apo kryetari i Kuvendit, apo kryetari i Komisionit të Ligjeve, por vendimet merren kolegjiale.

Në datë 23 shkurt kam komunikuar publikisht se sapo të depozitohet nga të 5 deputetët rekomandimi nga ana jonë, do të respektohet afati 2-javor.

Afati 2-javor është para datës së përfundimit të shqyrtimit, që është 17 marsi. Sapo të jetë gati, në seancën më të parë, që është 12 marsi, do të jenë gati 2 raportet”, tha Balla./ CNA





Lajmet e fundit nga