E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Hetimet për koncesionet/ Vokshi: Institucionet s'na japin informacion, Ndreca shantazhon audituesit e KLSH-së

20 Qershor 2024, 11:39, Politikë CNA

Hetimet për koncesionet/ Vokshi: Institucionet s'na japin informacion,

Albana Vokshi, foto nga një deklaratë te Kryesia e Kuvendit

Në një deklaratë për mediat nga Kryesia e Kuvendit, kryetarja e Komisonit Hetimor, Albana Vokshi, ka denoncuar se institucionet shtetërore nuk japin informacion dhe bëjnë ping-pong mes tyre për të mos iu përgjigjur shkresave për koncesionet në shëndetësi.

Ajo theksoi do të marrë masa me kallëzime penale për këdo që do të tentojë të pengojë punën e këtij komisioni.

Kryetarja e Komisionit denoncoi se Plarent Ndreca ka shantazhuar, kërcënuar e intimiduar audituesit e KLSH-së.

“Këtë javë, pavarësisht kërkesës së opozitës nuk u zhvillua mbledhja e Komisionit Hetimor të Shëndetësisë, pasi siç mund ta merrni me mend, deputetët e mazhorancës nuk ndodhen fare në Shqipëri, pasi për ta, vajtja në Gjermani është më e rëndësishme se interesi i publikut për hetimin e këtij Komisioni. Dua të thkesoj faktin se një pjesë e mirë e përgjigjeve nga institucionet kanë ardhur, por dy nga institucionet më të rëndësishme. Ministria e Shëndetësisë dhe Fondi i Sigurimeve edhe kur janë përgjigjur, janë përgjigjur për të mos u përgjigjur. Këto dy institucione bëjnë ping-pong mes tyre duke hedhur topin te njëri-tjetri. Edhe Ministria e Shëndetësisë edhe Fondi janë dy institucionet të cilat ende nuk kthejnë përgjigje për kërkesat e dërguara nga Komisioni Hetimor. Komisioni do të marrë masa, si kallëzime penale dhe procedurat ligjore për këdo që do të tentojë të pengojë punën e këtij Komisioni. Do të doja që t’ju paraqisja edhe një aspekt tjetër për mënyrën se si nënkryetari i Komisionit, zoti Plarent Ndreca, ka shantazhuar, kërcënuar e intimiduar audituesit e KLSH-së. Nga të dhënat që kemi mbledhur rezulton se Plarent Ndreca po shfrytëzon pozicionin në Komision për interesa personale. Ndreca është përpjekur ta fyejë, ta kërcënojë e ta poshtërojë njërin prej audituesve të KLSH-së, i cili dha një dëshmi shumë të vlefshme në Komision", tha Vokshi./ CNA