web counter
LEXO PA REKLAMA!

SHKARKO APP

App Store
Google Play

E fundit!

x

Grupi i PD-së propozon 28 amendamente në Buxhetin e Shtetit për vitin 2025

21 Nëntor 2024, 14:54, Politikë CNA

Grupi i PD-së propozon 28 amendamente në Buxhetin e Shtetit për

Zbardhen propozimet e grupit të PD-së për buxhetin, nga caktimi i minimumit jetik në 200 euro, rritja e pensioneve e deri te shtimi i fondeve për Onkologjikun.

Me poshtë lista e plotë e propozimeve të deputetëve të grupit parlamentar të PD-së:

1.Caktimin e minimumit jetik 200 euro (20 mijë lekë) - FLAMUR NOKA

2.Rritja e pensioneve 5-fishimi i fondit të propozuar (nga 1.6 në 8 miliardë lekë) - GAZMENT BARDHI

3. Parashikimi i fondeve për bonusin e vitit 2025 për pensionistët - GAZMENT BARDHI

4. Rritja e fondeve për ish-pronarët - OERD BYLYKBASHI

5. Trefishimi i fondeve për ish-të përndjekurit (nga 1.2 miliardë lekë në 4.2 miliardë lekë). - GRETA BARDELI

6. Rritja me 1% të PBB-së së buxhetit të arsimit (rritje graduale me 1% çdo vit). - EDMOND SPAHO

7. Rritja me 1% të PBB-së së buxhetit të shëndetësisë (rritje graduale me 1% çdo vit). - TRITAN SHEHU

8. Pezullimi i pagesave buxhetore për tri PPP-të në shëndetësi (përveç dializës). - ALBANA VOKSHI

9. Shtimim e fondit prej 1 miliard lekësh për qeset tumorale - ALBANA VOKSHI

10.  Shtimin e 0.5 miliard lekë për rimbursimin LMC - ALBANA VOKSHI

11.  Rritja me 10% e pagave të të gjithë administratës publike (përveç pagave të drejtuesve të lartë). - SORINA KOTI

12.  Rritja me 20% e pagave në shëndetësi. - SORINA KOTI

13.  Rritja me 20% e pagave të mësuesve dhe pedagogëve. - INA ZHUPA

14.  Kërkimi shkencor, fond të dedikuar prej 2 miliardë lekë. - INA ZHUPA

15.  Rritja e fondeve të ilaçeve të onkologjikut (10% të akcizave duhan alkool, jo më pak se 15 mln euro shtesë). - ZHENI GJERGJI

16.  Rritja me 50% e fondeve për barnat e rimbursueshme (60 mln euro shtesë). - ZHENI GJERGJI

17.  Rritja e transfertës së pakushtëzuar për bashkitë, nga 1% ne 1.5% të GDP-së (shtesë 13 miliardë lekë). - XHELAL MZIU

18.  Paketë mbështetëse financiare për prodhuesit vendas 5 miliardë lekë (kompensim nga shfuqizimi i euros). - JORIDA TABAKU

19.  120 milionë euro subvencione për fermerët, blegtorët dhe agroindustrinë. - BLEDION NALLBATI

20.  Përgjysmimi i shpenzimeve operative të qeverisjes qendrore (pa cenuar shp jetike, sigurisë dhe vendimet gjyqësore të formës së prerë). - EMILIA KOLIQI

21.  Trefishimi i fondeve për mirëmbajtjen e rrugëve. - FLAMUR HOXHA

22.  Pagesë për paruket dhe materialet e tjera të nevojshme për zonjat që vuajnë nga sëmundje të kancerit - NJË GRUP ZONJASH DEPUTETE TË PD

23.  Shtesë 3 miliardë lekë për të përballuar efektet financiare të pensionit të minatorëve – TRITAN SHEHU

24.  Pezullimin e pagesave për të gjitha PPP dhe koncesionet, dhe fondet të shkojnë për ndërtim shkolle, hapjen e nyjeve lidhëse me autostradën Thumanë-Kashar, për programe mbështetëse për të rinjtë, për fëmijët, dhe për arsimin profesional - ANDIA ULLIRI

25.  Ndalimin e menjëhershëm të pagesave për inceneratorët që nuk ekzistojnë apo janë jashtë funksioni - LUAN BAÇI

26.  Shtimin e 500 milionë lekëve për të mbuluar kostot direkte që pacientët duhet të përballojnë gjatë trajtimit të tyre shëndetësor dhe mjekësor për logopedi, fizioterapi apo mbështetje psiko-sociale - ERALDA BANO

27.  Shtimin e 1 miliard lekëve për një mbështetje konkrete financiare për studentët me të ardhura familjare të ulëta, dhe sidomos të studentëve që vijnë nga familje që të adhurat i kanë në nivelet e pagës minimale, si dhe për të caktuar dhe paguar vlerën financiare të dietës ushqimore për mësuesit dhe punonjësit psiko-socialë që punojnë në distancë të konsiderueshme nga vendbanimi i tyre - ERALDA BANO

28.  Dyfishimi i fondit të bonusit të lindjeve për vitin 2025 në vlerën prej 4.5 miliardë lekëve dhe në vijim ky fond të indeksohet çdo vit në masën sa norma e indeksit të çmimeve të konsumit - LINDITA METALIAJ./ CNA





Lajmet e fundit nga