web counter
LEXO PA REKLAMA!

SHKARKO APP

App Store
Google Play

E fundit!

x

Gazetari revoltohet me politikanët/ “Merrini ç’morët dhe ikni! Për atë Zot ikni!”

22 Tetor 2022, 12:52, Politikë CNA
Gazetari revoltohet me politikanët/ “Merrini
Gazetari Mentor Kikia

Gazetari Mentor Kikia, përmes një reagimi në rrjetet sociale, krahason vendimin e kryeministres Liz Truss për dorëheqjen nga posti, me situatën politike në Shqipëri, mes dy partive më të mëdha të vendit.

Kërkesa e Kikisë për politikën aktuale është të marrë çfarë ka marrë këto vite dhe të largohen, ta lënë politikën të marrë frymë.

“Merrini ç’morët dhe ikni! Për atë Zot ikni!

Kjo grua qëndroi në krye të Qeverisë Britanike vetëm 40 ditë. Prezantoi një strategji ekonomike që nuk u mirëprit dhe dha efekte negative menjëherë.

Dhe ajo iku! Iku ende pa mësuar ku e kishte zyrën.

Në Shqipërinë tonë ka filluar fushata elektorale për zgjedhjet vendore….

Tre aktorët kryesorë te politikes sonë dhe "skuadrat" e tyre janë lëshuar nëpër fshatra e qytete…

Nëpër fshatra s’ka më njerëz. Ata, ose pijnë kafe mes vetit, ose marrin me vete edhe karriget edhe njerëzit për të bërë video e foto.

Më së shumti shajnë kundërshtarin.

Opozita akuzon qeverinë për korrupsion, ndërsa qeveria armën më të fortë për të fituar zgjedhjet vendore dhe mandatin e katërt ka kundërshtarin: Po ikëm ne, do të vijë prapë Saliu! Goxha argument për të kërkuar sërish votëbesimin.

E kam bërë shpesh me vete këtë pyetje:

Çfarë doni ti bëni më shumë këtij vendi e këtij populli? A s’ju mjaftojnë pasuritë që keni vënë? Për çfarë mund të keni më nevojë?

E keni në dorë, bëni dhe një amnisti, jo fiskale, por amnisti që të mos ju hetojë e dënojë askush për çfarë keni bërë deri tani, vetëm ikni.

Ikni ore ikni…dhe lerini politikën të marrë frymë, ndoshta "pjellim"edhe ne ndonje gje me te hairit.

Ikni siç iku ajo gruaja kur e pa se po i prishte punë popullit të saj.

E di që kjo është e pamundur të ndodhë në këtë fshatin tonë. Por ata që duhet ta bëjnë me votë, kanë zgjedhur të ikin vetë, kur kuptuan se kanë humbur shumë vite me votën”, shkruan Kikia./ CNA.al





Lajmet e fundit nga