web counter
LEXO PA REKLAMA!

SHKARKO APP

App Store
Google Play

E fundit!

x

"Koha e parlamentit mbaroi"/ Rama i kthehet Ilir Beqjas, gjatë debatit me rektorët

18 Tetor 2022, 12:57, Politikë CNA

"Koha e parlamentit mbaroi"/ Rama i kthehet Ilir Beqjas, gjatë

Ish-ministri i Shëndetësisë, Ilir Beqaj gjatë fjalës së tij në takimin e kreut të qeverisë me rektorët e universiteteve, foli lidhur me marrëveshjen e parave publike nga të cilat përfitojnë universitetet.

Beqaj u shpreh se agjensia e drejtuar prej tij prej 1 viti ka financuar universitetet e Shqipërisë, gjë për të cilën rektorët nuk ishin të informuar.

Pjesë nga diskutimi:

Ilir Beqja: Ju fitoni me meritë në Bruksel, Nuk është se nuk përfitoni nga financimi i përgjithshëm. Tiketi i paguar nga qeveria është më shumë.  E dyta ju keni përfituar nga marrëveshja e parave publike ku ju dhe gjithë të tjerët jeni të ftuar të merrni pjesë.

Unë drejtoj një institucion prej një viti dhe i vetmi universitet që kemi mundur të ndihmojmë është ai i Gjirokastrës. Administrohet nga Ministria e Financave. Po ashtu ky mekanizëm ndihmon ato shpenzime që keni harxhuar lekët tuaja. Nga 1 Janari 2023 çdo marrëveshje e re me donatorët është e përjashtuar nga TVSH. Ndërkohë të paktën deri tani po krijojmë kapacitet financiar për të përballuar shpenzimet.

Rektori:  Nuk ka keni informuar, hera e parë që e dëgjojmë.

Rama: Duke kërkuar pse nuk je informuar do mbetesh i painformuar. Gjëja që do shtoj unë është që agjencia që ne kemi ngritur dhe që drejton Iliri ka pasur qëllim të mbledhë të dhënat, jo fondet. Për të krijuar një panoramë të plotë të gjithë potencialeve në Shqipëri nga çdo lloj burimi i huaj. Dhe Në këtë funksion agjencia pasi i mbledh këto të dhëna koordinon mes aktorëve vendas që mund të jenë institucione, bashki apo edhe organizata të tjera përfshirë edhe universitetet.

Në mes të këtij debati mes rektorëve dhe Beqajt, ka ndërhyrë Rama, i cili me ironi shprehur se ish-ministrit i mungon parlamenti.

Rama: Të ka marrë malli për parlamentin ty, por mos i ngatërro, koha e parlamentit mbaroi!/CNA.al





Lajmet e fundit nga