E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

FAKTI/ Krimet zgjedhore hetohen kudo në BE

21 Shkurt 2025, 16:40, Politikë CNA

Kryeministri Edi Rama, në një dalje të tij në rrjetet sociale, ku komunikon me mbështetësit e tij, por edhe debaton me qytetarët dhe në një dalje televizive, deklaroi se SPAK-u nuk duhet të hetojë partitë politike gjatë fushatës elektorale dhe po i përgjon në fushatë.

Në fakt, Rama duket se e ka problem që SPAK-u të bëjë detyrën, por argumentet që jep dhe mënyra se si reagon, tregon se ka një problem, një problem se i tremben patronazhistët apo një problem që vjen nga fakti se njerëzit e tij mund të gabojnë të blejnë vota dhe “të kapen me presh në dorë”.

Dumani i përgjigjet "flakë për flakë" Ramës: Strategjia për krimet zgjedhore, kërkesë e Kuvendit
21 Shkurt, 12:48

I rëndësishëm është një fakt, a ka bazë ligjore që SPAK-u të hetojë krimet zgjedhore?
Është e vërtetë, ka ligj, krimi zgjedhor është vepër penale. Dhe nuk e ka vetëm Shqipëria, e kanë shumë vende të Europës. BE-ja ka një rregullore, vetë vendet kanë ligjet e tyre, kush më të fortë e kush më të butë.

Por, kryeministri Rama këtë nuk mund ta çojë në të kundërt të BE-së. Rruga drejt BE-së shkon me ligje e zbatimin e ligjit, pikërisht edhe për krimet zgjedhore, ashtu sikundër SPAK-u dhe prokurori i përgjithshëm po veprojnë.

Është shumë e rëndësishme që në Shqipëri të tërhiqen një herë e mirë ata që blejnë vota, qoftë me 100 apo 200 euro, sepse pushteti i gjatë ka sjellë para, ka sjellë koncensione, ka sjellë interesa. Mund të ketë biznese që duan të paguajnë miliona e miliona euro që të mbajë në pushtet një parti, apo të sjellë në pushtet një parti tjetër.

Zgjedhjet e 11 majit/ SPAK publikon strategjitë për hetimet dhe parandalimin e krimeve zgjedhore
20 Shkurt, 17:44

Krimi zgjedhor, blerja e votës, duhet të jetë tashmë e pamendueshme, pa folur për rolin e policisë në zgjedhje, pa folur për përdorimin e administratës në fushatë. Për çdo lloj krimi zgjedhor, fushata elektorale duhet të jetë e barabartë dhe rruga e integrimit drejt BE-së, çelja e kapitujve apo futja në BE, kalon nga zgjedhje si në Europë. Mjafton të shikosh Greqinë, mjafton të shikosh Kosovën, është shumë hapa para në zhvillimin e zgjedhjeve sesa ne. Mjafton të shikosh vendet e rajonit.

Nuk i shkon kujt në mend të blejë vota, apo të kryejë krim zgjedhor, apo të përdorë administratën, ndaj edhe SPAK-u është në detyrën e tij. Prokuroria e Përgjithshme është në detyrën e saj. Krimi zgjedhor, i cili s’do palë, sepse edhe opozita mund të jetë edhe më e etur se pushteti për të marrë qeverinë. Mund të sigurojë edhe ajo fonde. Dhe krimet zgjedhore për të gjetur paratë nga financohen, vijnë nga jashtë, vijnë nga bizneset, nga interesat klienteliste, etj., duhet të ndalen në çdo rast.

Dhe nuk është gabim i SPAK-ut ngritja e strukturave dhe monitorimit të zgjedhjeve. Gabimi është i ushtrive të partive, që kërkojnë nëpërmjet patronazhistëve apo strukturave të tyre të intimidojnë qytetarët kur votojnë, t'u blejnë votën, t’i manipulojnë, e kështu me radhë.

Ndaj edhe është shumë e rëndësishme për të kuptuar se qasja që pati kryeministri ishte e gabuar, sepse nuk është vetëm Shqipëria që e ka të kriminalizuar krimin zgjedhor, e quan vepër penale, por zgjedhjet e lira, demokratike, pa vjedhje, pa blerje votash, e pa krim zgjedhor, janë kushti numër një i hyrjes në BE dhe këtë e di mjaft mirë kryeministri Rama, ish-kryeministri Berisha dhe partnerët e tyre elektoralë që ndodhen në qeli./CNA