web counter
LEXO PA REKLAMA!

SHKARKO APP

App Store
Google Play

Rama bëri takim me punonjësit e Bashkisë/ Berisha: Miting për të mbrojtur vjedhjen

20 Shkurt 2025, 19:39, Politikë CNA

Rama bëri takim me punonjësit e Bashkisë/ Berisha: Miting

Kreu i Partisë Demokratike, Sali Berisha e cilësoi si miting për të mbrojtur vjedhjen, takimin e bërë pasditen e kësaj të enjteje të kryeministrit Rama me punonjësit e Bashkisë.

Berisha tha se një javë më parë, Rama rrethonte gjykatësit për t’i marrë peng, ndërsa sot organizon këtë takim për të mbrojtur vjedhjen.

Berisha shtoi se mitingu i sotëm ka shumë lexime, në shumë plane dhe po zhvillohet në pallatet e pushtetit të Tiranës.

“Shumicës prej jush këtu u takoi misioni të përballen me dy diktatura. 34 vite më parë me diktaturën komuniste. Sot, pas 34 vitesh me një diktaturë tjetër. Diktaturë krimi, droge, vjedhje e shqiptarëve. Shikoni çfarë ndodh.

Në rast se ktheheni dy javët e fundit, është seriali real më i jashtëzakonshëm i Narcos-it, por tashmë i zhvilluar jo në skenat e Hollivudit, por i zhvilluar në pallatet e pushtetit të Tiranës, në rrugët e këtij qyteti. Një javë më parë rrethonte për të rrahur gjykatësit, për t’i marrë peng. Sot, organizojnë miting, për çfarë?

Për të mbrojtur vjedhjen, që vetëm një garderobë arrinte sa e Asadit. Dhe ky është vetëm aspekti, absolutisht më i vogël.

Çfarë ishte mitingu i sotëm?

Ai ka shumë lexime, në shumë plane. Por në një plan ishte mbrojtja, avokatia publike e narkosve, të garderobës të Lajla Asadit të Shqipërisë. ishte mbrojtja e vjedhjeve nëpërmjet kompanive, të cilat së bashku s’bëjnë as 1/6 e atyre që Edi Rama ka vjedhur bashkë me Erion Veliajn në djegësat, me 5D dhe në shumë e shumë afera të tjera të përbashkëta”,-shprehet Berisha në deklaratë./CNA

 

 

 





Lajmet e fundit nga