E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

"Do të shfrytëzojmë çdo hapësirë për shkarkimin e Begajt"/ Këlliçi: Nuk ka kuptuar ende petkun që mban

15 Tetor 2025, 15:39, Politikë CNA

"Do të shfrytëzojmë çdo hapësirë për

Ditën e sotme Partia Demokratike ka bërë publik një dokument ku tregohej se Presidenti i Republikës, Bajram Begaj, krahas detyrës së tij si kreu i Shtetit, punonte si mjek në një spital privat.

Partia Demokratike paraqiti në Kuvend edhe kërkesën për shkarkimin e Bajram Begajt me argumentin se presidenti ka shkelur Kushtetutën në 7 raste.

Lidhur me këtë kërkesë deputeti i Partisë Demokratike, Belind Këlliçi, në një intervistë me gazetaren Ola Bruko tha se presidenti ka shkelur Kushtetutën në 7 raste dhe një nga rastet ishte edhe dekretimi i Diellës. Deputeti demokrat tha se mazhoranca ka arrogancën e numrave dhe nuk do ta pranojë kërkesën, por opozita do të shfrytëzojë të gjitha hapësirat.

"Kemi 2.5 vite që kërkojmë zgjedhje në Tiranë, por kur nuk ta lejon Kushtetuta nuk mund ta shkelim.

Gjykata Kushtetuese do t’i japë një mundësi Begajt dhe do të lërë një afat, por Begaj edhe para një muaji e shkeli Kushtetutën me dekretimin e Diellës.

Presidenti nuk duhet të ketë ndasi politike, duhet të jetë mbi palët.

Begaj ka shkelur Kushtetutën në 7 raste, nuk e di se ku e gjen mbështetjen, por patjetër te kryemimnistri.

Arroganca e Ballës vjen si pasojë e numrave, por ne do të shfrytëzojmë të gjitha hapësirat për të shkarkuar këtë president që nuk ka arritur të kuptojë petkun që i është veshur.

Begaj është edhe njeri pa emocione, i shkëlqejnë sytë vetëm kur takon kryeministrin, përunjet para tij.

Kërkesa për shkarkimin e Begajt është firmosur nga 38 deputetë.

Dypunësimin e kishte deklaruar vetë, por aq pa rëndësi është në hierarkinë e shtetit sa askush nuk është marrë me të", tha Këlliçi./CNA