web counter
LEXO PA REKLAMA!

SHKARKO APP

App Store
Google Play

E fundit!

x

"Do bëjmë më të mirën për t’ju ndihmuar”/ Abozoviç mesazh mbështetjeje për Ukrainën

15 Qershor 2022, 20:17, Politikë CNA
"Do bëjmë më të mirën për t’ju
Kryeministri i Malit të Zi, Dritan Abozoviç

Kryeministri i Malit të Zi, Dritan Abozoviç, shprehu mbështetje për Ukrainën gjatë konferencës së përbashkët në Kiev me kryeministrin e Shqipërisë Edi Rama dhe presidentin e Ukrainës, Volodymyr Zelenskyy.

Abozoviç tha se do t’i ofrojë siguri çdo shtetasi ukrainas që ndodhet në Malin e Zi, ndërsa theksoi se do të bëjë më të mirën për të mbështetur këtë vend të prekur nga lufta.

Ai deklaroi se e shikon si një detyrim moral të vendeve të Ballkanit perëndimor, dhe më pas politik, mbështetjen e Ukrainës.

“Ne e konsiderojmë këtë si një detyrim politik, por moral për të ardhur në Kiev dhe simbolikisht të shtrëngojmë duart me ju dhe të japim një përqafim të madh për të gjithë popullin ukrainas, që është përpjekur të mbrojë vlerat demokratike të europës. Ju nuk po luftoni vetëm për popullin tuaj, po luftoni për parimet dhe mënyrën e jetesës, për të zgjedhur fatin tuaj për të ardhmen. Vendet tona, duhet të them që gjithçka që lidhet me parimet elementare, demokratike, për ne është në rregull e njëjta gjë vlen dhe për BE-në. Keni mbështetjen e Malit të Zi, sigurisht që kam i gëzuar që keni dhe mbështetjen e Shqipërisë dhe Maqedonisë së Veriut.

Ajo që është e rëndësishme është që lufta të ndalet, duhet të gjejmë një rrugë si të ndalim shkatërrimin masiv, vrasjen e njerëzve, pas kësaj do të keni mbështetjen e plotë për rindërtimit të vendit tuaj. Ne nuk kemi shumë kapaciptet, por do të japim kontributin tonë, siç po u japim disa pajisje dhe mbështetje financiare, e cila nuk është mjaft, por është mbështetja jonë. Mbështetja e 3 kryeministrave të Ballkanit Perëndimor, është një mesazh i fortë për vendet e BE-së që kanë mundësi reale për të bërë më shumë se sa ne. Ajo çfarë keni bërë deri tani është e pabesueshme, do të keni mbështetjen tonë. Çdo ukrainas që ndodhet në Malin e Zi janë të mirëpritur dhe ndihen të sigurt.

Nuk dua të shoh të kemi refugjatë nga Ukraina, por dua të vimë në atë kohë që të flasim për marrëdhëniet ekonomike për vendet tona. Ne do të bëjmë më të mirën për tu mbështetur në këtë nismë. Ndajmë këtë përvojë prej rreth 3 dekadave më parë në Ballkanin Perëndimor, ne e dimë shumë mirë se çfarë është lufta, prandaj në emër të paqes të të gjitha vendeve europiane ju uroj më të mirat për të ardhmen. Edhe njëherë ky është një detyrim moral i vendeve të Ballkanit perëndimor, dhe më pas politik”, tha Abazoviç./ B.A. - CNA.al





Lajmet e fundit nga