web counter
LEXO PA REKLAMA!

SHKARKO APP

App Store
Google Play

E fundit!

x

Dhuna në protestë/ Berisha: Parlamenti, një vegël në duart e Ramës

17 Tetor 2024, 19:24, Politikë CNA
Dhuna në protestë/ Berisha: Parlamenti, një vegël në
Kreu i demokratëve, Sali Berisha

Kreu i demokratëve, Sali Berisha ka komentuar protestën e ditës së sotme që u zhvillua para Parlamentit dhe u shoqërua me incidente mes policisë dhe deputetëve të opozitës.

Berisha gjatë daljes së tij televizive tha se opozita është e frymëzuar nga qytetarët opozitarë për të mbrojtur Kushtetutën e ligjit.

“Sot në oborrin, në sallën e parlamentit, opozita e frymëzuar nga qytetarët opozitarë, e vendosur të mbrojë me mosbindje civile Kushtetutën, ligjin, të drejtat e popullit opozitar, dëshmoi se ai parlament i narkoshtetit, nuk meriton të jetë asnjë ditë më,”-tha Berisha.

Ndër të tjera, Berisha tha se Parlamenti është një vegël në duart e Edi Ramës, që sipas tij ai e përdor për të dhunuar deputetët e opozitës.

“Se ai parlament është thjesht një vegël e verbër e Edi Ramës, i cili për të trysnuar, për të dhunuar deputetët e opozitës, dërgoi aty kriminelë të RENEA-s, të armatosur që u drejtuan tytat e armëve deputetëve, të cilët në misionin e mosbindjes civile po përfaqësonin vullnetin e popullit opozitar.

Aktet e sotme të Elisa Spirogjokës, të deputetëve, të mercenarëve me uniformë, gardistëve, të cilët zbatonin urdhrat e Spirogjokës, bastardit të familjes Hoxha në krye të ministrisë së rendit, që sillte i tmerruar për veten e tij, bandën e RENEA-s kundër deputetëve, dëshmoi se parlamenti është në agoni dhe se jetën e ka të shkurtër,”-u shpreh Berisha./CNA





Lajmet e fundit nga