web counter
LEXO PA REKLAMA!

SHKARKO APP

App Store
Google Play

E fundit!

x

Bardhi, letër Spiropalit/ "Dua kamerat dhe autoritetin që dërgoi Forcat Speciale në Parlament"

17 Tetor 2024, 15:32, Politikë CNA

Bardhi, letër Spiropalit/ "Dua kamerat dhe autoritetin që

Kreu i Grupit Parlamentar të PD-së, Gazment Bardhi, i ka dërguar një shkresë kryeparlamentares Elisa Spiropali, për prezencën e Forcave Speciale në ambientet e Parlamentit.

Bardhi e cilëson këtë si një akt të paprecedentë, një puç të rëndë kushtetues ndaj vetë Kuvendit të Shqipërisë dhe një provokim të pandodhur kurrë më parë ndaj opozitës.

Ai kërkon informacion se cili autoritet dha urdhër për praninë e Forcave Speciale në Parlament, si dhe kamerat e Parlamentit.

Kreu i Grupit të PD-së thekson se kushdo që dha urdhër për futjen e Forcave Speciale do të mbajë përgjegjësi.

Letra e plotë:

Më datë 17.10.2024 gjatë zhvillimit të seancës plenare, në kundërshtim flagrant me nenin 122 të Rregullores së Kuvendit dhe ligjin për Policinë e Shtetit, Forcat Speciale të Policisë së Shtetit kanë dhunuar, penguar dhe kanosur me jetë deputetët e opozitës brenda mjediseve të Kuvendit të Shqipërisë. Eshtë dashur ndërhyrja e Gandës së Republikës (punonjësve të Shërbimit të Sigurisë së Kuvendit) për të mbrojtur deputetët nga agresioni brenda mjediseve të Kuvendit nga ana e punonjësve të Policisë së Shtetit.

Futja e Forcave Speciale të Policisë së Shtetit brenda mjediseve të Kuvendit, gjatë aktivitetit parlamentar, pengimi i deputetëve për të lëvizur në ambientet e Kuvendit prej tyre, kanosja me jetë e deputetëve të opozitës dhe cënimi i integritetit të tyre fizik, është një akti i paprecedentë në funksionimin e Kuvendit të Shqipërisë. Kurrë në historinë e parlamentarizimit në Shqipëri, një Kryetar Kuvendi nuk ka lejuar futjen e Forcave Speciale të Policisë së Shtetit në mjediset e brendshme të Kuvendit të Shqipërisë. Kurrë në historinë e parlamentarizmit në Shqipëri nuk ka ndodhur që Forcat Speciale të Policisë së Shtetit të pengojnë një deputet të Kuvendit brenda mjediseve të tij.

Futja e Forcave Speciale të Policisë së Shtetit gjatë një aktiviteti parlamentar është një puç i rëndë kushtetues ndaj vetë Kuvendit të Shqipërisë dhe një provokim i pandodhur kurrë më parë ndaj opozitës. Për këtë arsye, kërkojmë:

Informoni menjëherë se kush ishte autoriteti që dha urdhrin për futjen e Forcave Speciale të Policisë së Shtetit në mjediset e brendshme të Kuvendit të Shqipërisë?

Vini në dispozicion kamerat e sigurisë së së gjitha ambienteve të brendshme dhe të jashtme të Kuvendit të Shqipërisë (përfshirë por pa u kufizuar: sallës plenare, korridoreve lidhëse së sallës plenure, hyrjes kryesore të Kuvendit, ambienteve të jashtme të oborrit të Kuvendit të Shqipërisë)

Duke dënuar me forcë aktin brutal, së paprecedentë, së hakërrimit të Policisë së Shtetit ndaj deputetëve të opozitës në mjediset e brendshme të Kuvendit të Shqipërisë, ju siguroj se ju personalisht dhe cilido tjetër që në mënyrë arbitrare urdhëroni Forcat Speciale të Policisë së Shtetit të dhunojnë deputetët e opozitës, do të mbaheni përgjegjës për këtë shkelje të rëndë ligjore, që ka tiparet e një puçi kushtetues ndaj integritetit të Kuvendit të Shqipërisë./ CNA

Bardhi, letër Spiropalit/ "Dua kamerat dhe autoritetin që





Lajmet e fundit nga