web counter
LEXO PA REKLAMA!

SHKARKO APP

App Store
Google Play

Denoncimi: Gardistë të armatosur në Kuvend gjatë tensioneve në seancë

2 Nëntor 2023, 13:59, Politikë CNA

Denoncimi: Gardistë të armatosur në Kuvend gjatë tensioneve

Ish-kryeministri Sali Berisha ka denoncuar se sot në sallën e Kuvendit ka pasur gardistë të armatosur. Berisha tha se një nga gardistët e armatosur qëndronte pas deputetit Ervin Salianji, i cili ka qenë me revole të fshehur nën sqetull.

Sipas kreut të PD-së, kjo ngjarje, përbën një akt të paprecedent në historinë e këtij parlamenti.

"I pashembullt në historinë e parlamentit ka ndodhur, gardistë të armatosur në sallë. Personi që qëndronte prapa z.Ervin Salianji ka qenë i armatosur me revole të fshehur nën sqetull. Ky përbën një akt të paprecedent në historinë e këtij parlamenti. Të tjerë persona të armatosur janë parë përreth parlamentit, por në sallë kjo nuk ka ndodhur në memorien time asnjëherë. Këtu, te zyra e kryetares ishin pozicionuar, ju siguroj ju më shumë roje sikur qendronte Enver Hoxha në atë zyrë. Por natyrisht, këto nuk ndryshojnë asgjë në qendrimin e prerë të opozitës. Opozita në emër të qytetarëve që e kanë votuar atë kërkon respektimin e të drejtave të saj kushtetuese. Opozita nuk mund të pranojë kurrë të qendrojë në parlament si një fasadë pluralizmi për interesa të Edi Ramës. Opozita nuk bën pazare me parimet themelore të funksionimit të parlamentit dhe pluralizmit", u shpreh Berisha. 

 





Lajmet e fundit nga