web counter
LEXO PA REKLAMA!

SHKARKO APP

App Store
Google Play

E fundit!

x

Spiropali sulmon opozitën/ I kthehet keq Vokshi: Seksere e Bajrajve, vazhdo me Pëllumb Gjokën

1 Nëntor 2023, 21:40, Politikë CNA
Spiropali sulmon opozitën/ I kthehet keq Vokshi: Seksere e Bajrajve, vazhdo
Deputetja demokrate, Albana Vokshi

Ministrja Elisa Spiropali ka sulmuar opozitën për tensionet e shkaktuara në Kuvend, ku pengoi zhvillimin e mbledhjeve të Konferencës së Kryetarëve dhe Komisionit të Ekonomisë.

Spiropali thotë se opozita shkeli ligjin dhe dhunoi institucionet, ndërsa bën thirrje që demokratët të kthehen në Kuvend dhe të bëjnë punën e tyre.

“Sot, në shkelje të plotë të çdo ligji, rregulli dhe kodi, duke nëpërkëmbur detyrën dhe përdhosur misionin kushtetues, disa deputetë të opozitës, kanë dhunuar institucionet e Kuvendit duke dashur të pengojnë prezantimin e Buxhetit 2024 në Konferencën e Kryetarëve dhe në Komisione Parlamentare.

Të nderuar kolegë dhe kolege: nuk j'ua kanë fajin dyert e Kuvendit! Dera ku kanë thirrur të përgjigjet të parin tuaj, as hapet prej nesh, as mbyllet prej nesh.

Koha kur ajo derë hapej për armiqtë dhe mbyllej për shokët, aleatët dhe miqtë ka marrë fund. Kuptojeni! Kthehuni në Kuvend dhe bëni punën tuaj!”, shkruan ajo në rrjetet sociale.

Pas kësaj deklarate ka ardhur një reagim i ashpër nga deputetja demokrate, Albana Vokshi.

Deputetja e cilëson Spiropalin si seksere të Bajrave, ndërsa thotë se ministrja bashkë me kryeministrin Edi Rama duhet të vazhdojnë të merren me Bajrajt dhe Pëllumb Gjokën dhe jo me opozitën.

“Sekserja e Bajrave, një prej bandave me të rrezikshme, flet per institucione, kushtetutë dhe demokraci!

Historia na ka mësuar se në një vend ku nuk ka liri dhe ku opozitës nuk i njihen të drejtat kushtetuese, nuk mund të ketë as mirëqenie për njerezit!

Elisa Spiropali me shefin e vet le të vazhdojnë me Bajrat dhe Pëllumb Gjokën!

Ne do të vazhdojmë betejën tonë, si garancia e vetme se në Shqipëri ka shpresë!”, thekson Vokshi./ CNA





Lajmet e fundit nga