web counter
LEXO PA REKLAMA!

SHKARKO APP

Berisha, thirrje ndërkombëtarëve/ “Dënoni Vuçiçin, kreu akt terrorist në Kosovë”

14 Qershor 2023, 18:47, Politikë CNA
Berisha, thirrje ndërkombëtarëve/ “Dënoni
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar në lidhje me rrëmbimin e 3 efektivëve të policisë së Kosovës nga policia serbe.

Berisha e cilëson këtë rrëmbim si akt terrorist të urdhëruar nga presidenti serb, Aleksandër Vuçiç, për të cilin thotë se është një Vladimir Putin i vogël.

Ish-kryeministri ka publikuar pamjet nga momenti i rrëmbimit të policëve dhe i bën thirrje ndërkombëtarëve të dënojnë këtë akt.

“Akt terrorist i urdhëruar direkt nga Putini i vogël.

Ky është momenti kur grupi terrorist ushtarak serb rrëmben në territorin e Kosovës, në veri, tre policë shqiptarë që kryenin detyrën.

Dënoj me forcën më të madhe këtë akt terrorist, kriminal të falangave të Vuçiç dhe i bëjë thirrje komunitetit ndërkomëtar të dënojë me forcën me të madhe këtë akt terrorist luftënxitës të ish  Millosheviçit të ri Aleksandër Vuçiç.”, shkruan ai./ CNA.al





Lajmet e fundit nga