E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Berisha prezanton Luçiano Boçin për Elbasanin/ “Një drejtues i sprovuar që do t'ju përfaqësojë denjësisht"

9 Prill 2023, 19:54, Politikë CNA

Berisha prezanton Luçiano Boçin për Elbasanin/

Kreu i Partisë Demokratike, Sali Berisha ka prezantuar Luçiano Boçin, kandidatin e koalicionit “Bashkë Fitojmë” për qytetin e Elbasanit.

Berisha e ka cilësuar Boçin si një nga bijtë më të shquar të qytetit të Elbasanit dhe një drejtues të sprovuar të grupit parlamentar të PD-së.

Më tej në fjalën e tij kryedemokrati theksoi se Luçiano Boçi dhe gjithë kandidatët e primareve kanë hapur kapitullin e përfaqësimit politik dinjitoz, të qytetarëve.

“Paraqes sot këtu, kandidat për qytetar të parë të Elbasanit, një nga bijtë tuaj më të shquar, nënkryetarin e PD-së, drejtuesin e sprovuar të grupit parlamentar, por mbi të gjitha paraqes Luçiano Boçin, kandidatin tuaj, kandidatin që ju e votuar, që ju i besuat.

Me 14 maj ne çelim kohën e vendosjes në piedestal të përfaqësimit tuaj, të dinjitetit tuaj. Liria në thelb nuk ka asgjë tjetër më shumë se dinjiteti i një njeriu. Kjo është liria e individit, me Luçiano Boçin dhe gjithë kandidatët e primareve ne hapim kapitullin e përfaqësimit politik dinjitoz, të qytetarëve.

Ne zotohemi se ju jeni dhe do të mbeteni, të parët, të parët, për Luçiano Boçin, për kandidatët e primareve në mbarë Shqipërinë.

Ata që studiuan në Elbasan dhe përhapën në të 4 anët e kombit, në të gjitha viset e kombit dritën e dijes dhe shpirtin e atdhetarisë. Në qoftë se do të ringjalleshin dhe mendoni për një moment për Elbasanin e sotëm, do të ishin njerëzit më të zhgënjyer. Do të shihnin tek ne, qenie, do të ju dukeshim të përcudnuar.

Do pyesnin ç’ka ndodhur me qytetarët e këtij qyteti të bekuar, ç’ka ndodhur me shqiptarët, si ka mundësi që në djepin e arsimit, vitin e kaluar të preferojnë të vijnë vetëm dy të rinj shqiptarë. Kush tjetërsoi arsimin në këtë mënyrë për shqiptarët. Cili është ai armik, cili është ai pushtues që u bëri shqiptarëve këtë gjë me arsimin e tyre.

Përgjigja është 1 dhe vetëm 1: është Edi Rama, është Edi Rama dhe regjimi i tij”, tha Berisha./CNA.al