Berisha: Para konferencës në Bruksel, Rama urdhëroi dekorimin e të atit të Agasit dhe Çyrbjas

27 Maj 2026, 20:07, Politikë CNA

Berisha: Para konferencës në Bruksel, Rama urdhëroi dekorimin e

Kryetari i Partisë Demokratike, Sali Berisha, në fjalën e tij gjatë mbledhjes në Kryesisë së PD-së, hodhi akuza të shumta në drejtim të qeverisë dhe kryeministrit Edi Rama.

Sipas Berishës, para nisjes drejt Brukselit për konferencën e radhës Shqipëri-BE, Rama dha një mesazh të prerë ndaj qytetarëve përmes dekorimit të të atit të Ergys Agasit në Shijak dhe ish-deputetin Ergys Çyrbja në Durrës.

“Rama, para se të niset në Bruksel në konferencë, dekoron të atin e Ergys Agasit për t’i dhënë një mesazh të prerë qytetarëve qytetarëve të Durrësit, se Agasët janë ‘fisnikëria’ e partisë së krimit dhe mesazh të prerë se Agasët janë shtylla e partisë. Atje fliste për fanatizëm, në Durrës ngrinte në piedestal krimin dhe bashkëpunimin me krimin. Këto dëshmojnë se çfarë vëshirësish kemi ne për t’i kapërcyer. Ramaduro nuk është ai që ishte, i plagosur në mënyrë përfundimtare. Qëndrimi i opozitës ia doli të argumentojë farsën elektorale”,-tha Berisha.

Po ashtu, kryedemokrati nënvizoi ato që i cilësoi si kushte të vështira në ët cilat vepron opozita, që e konsideroi si një fatkeqësi politike dhe komëbtare.

Sipas tij, PS që është në pushtet ka hequr haptazi çdo maskë dhe vijon qeverisjen nën moton: “Rroftë krimi, poshtë ligji”.

“Programi dhe vizioni është më i miri që ekziston, por ne kemi fatin e madh dhe privilegjin e veçantë që ta konsultojmë dhe rishqyrtojmë grupet më të mira që ekzistojnë sot në Europë dhe ShBA. Ne ndodhemi në kushte të vështira, kur zgjedhjet janë zëvendësuar me farsën elektorale. Kjo përbën fatkeqësinë kombëtare dhe politike, si mekanizëm i diktaturës autoritare. Partia në pushtet, haptazi, ka hequr çdo maskë. ‘Rroftë krimi dhe poshtë ligji’ është moto e saj. Kemi kaluar çdo roman e novelë. Ka pasur Italia totrino, por s’ka kontrolluar kurrë të dhënat digjitale, ndërsa në Shqipëri kishte dorë gjithçka, përfshirë kryeministrin. Jeton i lirë në Shkozet, Surrel, Manzë”,-shtoi Berisha./CNA