web counter
LEXO PA REKLAMA!

SHKARKO APP

App Store
Google Play

“Territorialja” në Kukës/ Mazniku dhe Boçi: Ta shohim në raport me reformën e vitit 2014

26 Maj 2026, 20:17, Politikë CNA

Dy bashkëdrejtuesit e Komisionit për Reformën Administrativo-Territoriale, Arbian Mazniku dhe Luçiano Boçi ishin të pranishëm pasditen e sotme në Kukës, ku u mbajt dëgjesa e radhës me qytetarët.

Diskutimet u përqëndruan gjerësisht tek reforma e vitit 2014 dhe gjithçka prodhoi miratimi i saj.

“Para pothuajse 12 vjetësh, në 2014-2015 kemi bërë një reformë që shkuam nga 373 njësi e komuna në 61 bashki, të cilat kanë mbledhur më shumë të ardhura, kanë pasur mundësi t’u shërbejnë më shumë qytetarëve. Ka qenë një reformë decentralizuese, shumë funksione që i bënte qeveria iu deleguan bashkive. Është momenti të rishohim reformën e vitit 2014”,-tha Mazniku.

“Duhet ta shohim Kukësin në raport me atë që iu premtua qytetarëve në vitin 2014. A e pasuroi kjo reformë Kukësin, siç u premtua? Sepse këto fjalë të bukura janë thënë edhe në vitin 2014: kompetenca, autonomi, administratë më e vogël.So kemi sot administratë më të vogël?”,-u shpreh Boçi.

Kjo dëgjesë ishte e radhës ndër disa seanca dëgjimore të zhvilluara nëpër qarqet e vendit përgjatë javëve të fundit./CNA





Lajmet e fundit nga