E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Berisha: Fitorja e Trump-it, goditja më e rëndë ndaj ekstremit të majtë që financonte Soros

7 Nëntor 2024, 20:21, Politikë CNA

Berisha: Fitorja e Trump-it, goditja më e rëndë ndaj ekstremit

Kryetari i Partisë Demokratike, Sali Berisha

Kryetari i Partisë Demokratike, Sali Berisha foli sërish mbrëmjen e sotme për fitoren e Donald Trump, si Presidenti i 47-të i Amerikës.

Berisha tha se fitorja e Trump-it ishte goditja më e rëndë ndaj ekstremit të majtë, që sipas tij financohej dhe frymëzohej nga George Soros.

Gjatë fjalës së tij në protestën e mbështetësve, ai deklaroi se me rezultatin e zgjedhjeve u shua edhe era e ekstremistëve amerikanë, që ka fryrë më shumë se kudo tjetër në Shqipëri.

Pjesë nga deklarata:

fitorja e djeshme e presidentit Donald Trump, fitore mbi hipokrizinë, mashtrimin, por dhe mbi agresionin ndaj dinjitetit dhe identitetit të njeriut, ishte goditja më e rëndë që ekstremi i majtë ka marrë në të gjithë dy dekadat e fundit.

E financuar dhe e frymëzuar nga monstra e njerëzimit, Xhorxh Soros, për fatin më të keq së pari të kombit amerikan, por pastaj të miqve dhe partnerëve të SHBA në botë, bazuar në këtë ideologji, u vërsulën kundër identitetit të njeriut.

Kundër dinjitetit të tij.

Kundër familjes, folesë mijëravjeçare të shoqërisë njerëzore, të civilizimit njerëzor.

Kjo erë e ekstremistëve amerikanë fryu më shumë se kudo tjetër në Shqipëri.

Edi Rama dhe Erion Veliaj u bënë flamurtarë të eksperimentimit të këtij agresioni moral kundër lirive dhe të drejtave, dinjitetit dhe identitetit njerëzor.

Në të vërtetë, këto përbënin një agresion edhe ndaj orientimeve gjinore, por edhe orientimeve seksuale të individëve.

Imagjinoni ju për një moment të dashur miq, zonja që humbi dje zgjedhjet, ishte zotuar se do financonte ndryshimin e gjinisë në spitale private dhe publike të emigrantëve ilegalë.

A nuk ishte kjo një ftesë për më të varfrit e botës të vërshonin dhe të bënin një operacion që të mund të jetonin në Amerikë?

Ua solla këtë shembull për të qenë të vetëdijshëm se vota pardje e kombit amerikan ishte një votë për vlerat më të arrira të njeriut, dinjitetit të tij, familjes së tij, identitetit të tij./ CNA