web counter
LEXO PA REKLAMA!

SHKARKO APP

App Store
Google Play

“Bëhet politikë e ashpër”/ Nënkryetarja e Kuvendit ndan kritikën: Opozita duhet të flasë më shumë

16 Prill 2026, 21:54, Politikë CNA

“Bëhet politikë e ashpër”/ Nënkryetarja e

Nënkryetarja e Kuvendit të Shqipërisë, Klodiana Spahiu tha sot se politika që bëhet në debat në institucion është e ashpër, por sipas saj, nuk duhet të jetë arsye për të mos i shërbyer qytetarit.

E ftuar në A2 CNN, Spahiu ndau edhe atë që mund të cilësohet si një qasje e re, ku veçoi monitorimin e minutazhit dhe jo matjen elektronike të kohës.

Sipas Spahiut, opozita duhet të jetë më e aktive dhe të ndajë zërin e vet kritik.

“Mendoj që në këtë moment, përpara atyre elementëve që deputetin mund ta bëjnë të famshëm para elektoratit, kemi objektiv tjetër. Patjetër që zërin kritik të opozitës duhet ta dëgjojmë dhe ndërkohë të bashkëpunojmë në këtë rrugën tjetër të integrimit. Edhe interpelancat, edhe minutazhi i opozitës, tani ka monitorim dhe nuk jemi më në fazën kur nuk matej koha elektronikisht. Pa dyshim, duhet që opozita të flasë më shumë. Edhe unë jam dakord me këtë, të ketë liri fjale. Deri tani janë bërë 18 interpelanca, do të vijojë të ketë, por më shqetëson fakti që për hir të politikës së ashpër të frenojmë një proces që ka nisur, nuk ka kthim dhe që i shërben qytetarit. Një gjë që duhet të na bashkojë është shërbimi ndaj qytetarit”,-tha Spahiu./CNA

 





Lajmet e fundit nga