web counter
LEXO PA REKLAMA!

SHKARKO APP

App Store
Google Play

A keni komunikuar me Ramën?/ Meta: Mos u habisni, do të jem në parlament

5 Shtator 2022, 14:03, Politikë CNA

A keni komunikuar me Ramën?/ Meta: Mos u habisni, do të jem në

Kryetari i Partisë së Lirisë, Ilir Meta, ka dalë në një konferencë me gazetarët, ku ka folur lidhur me problematikat në vend.

Ai është ndaluar në disa pika, ku veçon se regjimi i Ramës duhet shporrur. Meta shprehet se buxheti i shtetit është rritur, ndaj është e nevojshme që pagat e punonjësve të indeksohen.

Ai u pyet lidhur me kërkesën e Partisë Socialiste për ndryshimin e ligjit për spiunët.

“Vasili do t'iu njohë lidhur me nismat për integritetin e personave publikë. Trajtimi i personave me probleme mendore është e nevojshme, njëlloj si në rastin e kryeministrit. Po ashtu duhet të ketë edhe testimin për drogën te çdo politikan.

Partia Socialiste ka cenuar vetë ligjin e hartuar në 2015. Qëndrimi im që në kohën e LSI-së ka qenë hapja e dosjeve dhe demostrimi i tyre për publikun. Ndërsa për rastin konkret kemi të bëjmë me një falsifikim të trashë dhe idiot të Edi Ramës. Me sa duket edhe në arkiva të tjera shtetërore ky falsifikim është bërë evident. Unë kam bërë një denoncim penal, ia kam adresuar edhe SPAK-ut edhe prokurorisë. SPAK-u ia ka kaluar prokurorisë. Ata zgjodhën një avokat sulmues, jo mbrojtës.

Për fat të mirë në atë dosje, ne kishim deklaratat e tij autentike nga sigurimi i shtetit. Dekriminalizimi i vendit nis me shporrjen e Edi Ramës dhe vendosjen e shtetit ligjor”, shprehet Meta.

I pyetur nëse ka komunikuar me Ramën, Meta shprehet se kjo nuk ka ndodhur dhe nuk ka pasur asnjë tentativë.

“Nuk kam bërë asnjë tentativë, por mos u habisni se si kryetar i PL-së, do të jem vazhdimisht në Parlament, së bashku me gjithë ata qytetarë që ndihen të papërfaqësuar. Shteti u shkri njësh me parti. Aksioni ynë nuk vijon vetëm me 4 deputetët në parlament, por do të vërshojë edhe në rrugë me zërin e qytetarëve. Protestat do të jenë me gjithë opozitarët dhe grupet e interesit. Ne do të jemi një forcë politike në terren, jo vetëm duke denoncuar me fakte dhe dokumente. Për gjithçka do të njoftoheni gjatë këtyre gjatë këtyre 24 orëve”, ka thënë ai./CNA.al





Lajmet e fundit nga