E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Nga Grigels Muçollari/ Skandali i anijeve të 4 korrikut dhe heshtja e qeverisë

16 Gusht 2024, 13:14, Opinione CNA

Nga Grigels Muçollari/ Skandali i anijeve të 4 korrikut dhe heshtja

Anëtari i Kryesisë, Grigels Muçollari

Me 4 korrik të këtij viti, në mes të ditës në portin më të madh të vendit, në Durrës, që është dhe aset i NATO-s, dy anije të mëdha ngarkohen me kontejnerë. Mbi 800 tonë mbetje dhe nisen drejt Tajlandës.

Rrjeti i Bazelit, një organizatë prestigjioze, ngre alarmanin se këto lëndë, mund të jenë të rrezikshme dhe me elemente toksike.

Në Tajlandë nisin protestat. Autoritete nga Europa në Singapor vihen në lëvizje. Kompania e transportit pranon se anijet janë ngarkuar në Durrës.

Ato janë në lundrim dhe nuk është e mundur të verifikohet çfarë kanë brenda. Pas presionit të madh, ato po kthehen aty ku u nisën, në Durrës.

Mediat ndërkombëtare kanë raportuar ngjarjen. Agjencia e njohur "Bloomberg" ka tentuar të marrë reagim nga qeveria shqiptare, por nuk ia ka dalë.

Qeveria heshti edhe pas shqetësimit që ne kemi ngritur. Pyetjet që bëjnë të gjithë sot janë.

-Çfarë u ngarkua në Durrës me 4 korrik?

-Pse autoritetet nuk flasin?

-A mund të futen 800 tonë materie pa dijeninë e zyrtarëve?

-Ku janë marrë lëndët që dyshohen si toksike?

-Kush i kontrollon ato?

-Nëse autoritetet heshtin dhe nuk dinë gjë, pse nuk e pranojnë?

-Pse nuk reagon qeveria?

Edi Rama mburret me satelitët dhe dronët që ka marrë, që u kanë kushtuar taksapaguesve shqiptarë miliona euro, po ndërkohë në mes të ditës, në portin më të madh të vendit ndodh kjo veprimtari, pak të quhet ilegale. Me 4 korrik, drejtor i Portit të Durrësit ishte Pirro Vengu.

Ai ka dijeni për këtë trafik që po shndërrohet në skandal ndërkombetar. Edi Rama e promovoi këtë person, e bëri ministër të Mbrojtjes. Tani Vengu kontrollon giithë portet dhe kufijtë e vendit.

Kush mban përgjegjësi për këtë ngjarje? Anijet po kthehen, bashkë me të vërteten.

Qytetarët shqiptarë do të marrin vesh edhe një herë tjetër nga autoritetet e huaja se çfarë ndodh në vendin e tyre./ CNA