E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Ca thërrime mendimesh…

5 Dhjetor 2025, 11:55, Opinione Hysni Gurra

Për Salianjin, mendimin tim e kam pasur gjithmonë të qartë, madje edhe kur partia e ngriti në piedestal të pavend dhe i vuri etiketa që nuk i takonin. Hero e më-the-të-thashë.

Por me doktor Alimehmetin kam pasur një raport tjetër (jopersonal, publik): e kam vlerësuar, e kam mbështetur, kam bërë thirrje të votohej për deputet. Pikërisht ky ndryshim në perceptim ma bën të vështirë ta pranoj që një figurë serioze dhe me integritet të supozuar të ketë pasur ëndërr në sirtar të bëhet zëvendësi i Salianjit. Kjo më çuditi.

Edhe nëse hipotetikisht kjo lëvizje do të kishte sukses, Iliri nuk do të shkonte dot më tutje se zëvendës i Ervinit. Ai e di këtë.

Ndoqa takimet në Durrës. Përshtypja mbetet e pandryshuar: ajo që po ndërtojnë nuk është projekt politik, por një mjet presioni i ndërthurur me një premtim.

Një lëvizje e ngritur jo mbi ide, por mbi pakënaqësi personale. Nga takimi i parë e deri sot, pamë:

-0 teza politike,

-0 problematika konkrete,

-vetëm slogane dhe parulla të konsumuara. (Sloganet janë pika mbështetëse në një lëvizje politike, jo themele).

Kur mungojnë idetë dhe mungojnë problemet që kërkon të zgjidhësh, thjesht nuk ka projekt.

Për çështjen e përfaqësimit e kam thënë hapur: kush ka kontribut në PD dhe s’ka qenë në listë fare, ka të drejtë të ndihet i anashkaluar. Po ata që kanë qenë në listë – të mbyllur apo të hapur – dhe nuk kanë fituar, nuk mund të pretendojnë sot se nuk u është dhënë shans.

Sa për Kadiun, ai mund të ketë njëfarë të drejte për shkak të primareve, por vetëm nëse PD-ja nuk i ka ofruar një vend në listën e hapur. Nëse ia ka ofruar edhe këtë, edhe ai e humb bazën morale.

Roli i Salianjit në PD mbetet një histori më vete. Edhe kur ishte në burg, partia vazhdoi ta mbante drejtues politik të Elbasanit për një kohë të gjatë – ndoshta një gabim që edhe i kushtoi në atë qark.

Në fund, motivimi i kësaj lëvizjeje duket më shumë personal se politik. Nuk është sekret që Ervinit i nevojitet një zgjidhje ligjore për pasojat e dënimit të tij.

Pa një vendim që ia shlyen ato, ai nuk mund të mbajë asnjë funksion të lartë publik për 5 vite, pasi ligji që bëri kur ishte me Lulin (dekriminalizimi) ia ndalon këtë gjë.

Lëvizja e Ervinit në ditët më të vështira të Edvinit, edhe në mos pastë prapavijë, të shtyn shejtani të mendosh se mund të jetë një premtim, na ndihmo tani që kemi hallin e Belës, të të ndihmojmë me shlyerje, pra të të bëjmë reset penalitetet me një vendim të Kushtetueses.

Pra, mund të jetë edhe vetëm kaq kjo gjë. Po Iliri ç’ka, se s’ka halle të tilla./ CNA