E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

A quhet seksi në zyrë: Krim, kundërvajtje apo shkelje etike?

18 Qershor 2023, 11:57, Opinione Kreshnik Spahiu

Presidenti Bill Klinton kreu marrëdhënie seksuale orale me një praktikane 22-vjeçare brenda Shtëpisë së Bardhë. Ai u hetua nga një komision i posaçëm dhe beteja kryesore e gjykimit nuk ishte akti oral, por sinqeriteti i Presidentit të SHBA-së, i cili fillimisht e mohoi.

Ai u hetua më shumë për dëshminë e rreme:

"I did not have sexual relations with that woman, Ms. Lewinsky."

"Unë nuk kam pasur marrëdhënie seksuale me atë grua, znj. Lewinsky."

Në fund të gjykimit ai u dënua me 90.000 USD gjobë dhe pezullim të licencës së avokatisë 5 vjet.

Më vonë opinioni shqiptar u njoh me një filmim investigativ në Bashkinë e Dibrës, ku kryetari Shukri Xhelili tentoi të kryejë marrëdhënie në këmbim të një favori. Gjykata e akuzoi për shpërdorim detyre.

Po ku ndryshojnë çështjet penale të Bill Klinton dhe Shukri Xhelilit krahasuar me Safet Gjiçin:

1- Në rastin e Safet Gjiçit s’ka denoncim nga vajza, përkundrazi ishte një marrëdhënie dypalëshe me dëshirë. Prokuroria ka filluar procedim vetëm për videon dhe jo mbi një ankim apo kallëzim penal.

2- Vajza A.K. e videos së Safetit nuk është staf apo personel i Bashkise Kukës ndryshe nga Monika e Bill Klintonit që punonte në Shtëpi të Bardhë apo vajza e Shukriut që kërkonte punë në bashki.

3- Vajza në videon e Safetit deklaron se ka kryer marrëdhënie seksuale me dëshirë dhe pa presion, madje deklaron se e dashuron Safetin, ndryshe nga Monika Levinski apo “vajza” e Shukriut në Dibër që u përball me brekët e grisura të kryetarit.

4- “Vajza” e Safetit ka shkuar në çdo zyrë kryetari dhe pushtetari, dhe ka precedent të ngjashëm penal edhe në raste të tjera, Monika Levinski dhe “vajza” e Xhelilit jo. Siç e keni parë edhe nga fotot, ajo ka hyrë dhe ka dalë në zyrën e Sali Berishës më shumë se Meta apo aleatët e tjerë, dhe askush nuk e kupton këtë afrimitet në zyrën e tij private.

5- Videoja e marrëdhënies seksuale të Safetit u shfaq e reduktuar vetëm si film porno duke censuruar bisedat e kryera mes tyre. Monika Levinski nuk e filmoi Bill Klintonin.

6 - “E dashura” e Safetit nuk jep asnjë shpjegim pse e filmoi veten e saj duke bërë seks oral dhe nuk e pranon që ka ankesa për këtë pjesë.

Për këto arsye fakti që ne e pamë me video me figurë apo me audio marrëdhënien e Safetit dhe jo të Bill Klintonit, nuk e bën të parën krim dhe të dytën jo.

Neni 105 Kodi Penal parashikon:

“Kryerja e marrëdhënieve seksuale duke shpërdoruar marrëdhëniet e varësisë ose të detyrës, dënohet me burgim gjer në tri vjet.”

Pjesa e parë nuk ekziston se ajo nuk është vartëse e Safetit në bashki.

Pyetja është: Marrrëdhënia u krye në këmbim të një favori apo thjesht ishte marrëdhënie me të dashurën në zyrë…?

Deri tani s’ka asnjë provë apo ankim nga “e dashura” që ajo e kryente seksin pa dëshirën e saj dhe në abuzim të funksionit politik nga kryetari.

Safeti iku nga detyra, madje edhe u shkarkua.

Përgjegjësia e tij politike dhe adminstrative janë të qarta, por kjo s’mund të na shtyjë në histerinë e të quajturit krim.

Seksi në zyrë me dëshirën e të dashurës nuk quhet dhe nuk klasifikohet krim nga Kodi Penal.

Jo se them unë, por se kështu e ka shkruar ligji dhe Neni 105 i KP që po hetohet akuza.

Si përfundim: Nëse marrëdhënia seksuale është kryer në këmbim të një përfitimi apo shpërdorimi nga kryetari i Bashkisë Kukës kemi vepër penale.

Në të kundërt jo.

Nëse Alma Koçiu nuk ka marr asgjë në këmbim dhe ka kryer marrëdhënie me dëshirë, atëherë nuk quhet krim, por shkelje administrative dhe etike.

Përdorimi i zyrës për të bërë seks me gruan, të fejuarën apo me të dashurën tënde është shkelje etike dhe administrative, por jo krim.

Vendi ku kryhet akti nuk plotëson të gjitha elementet e veprës penale neni 105.

Anasjelltas mund të jetë një kryetar duke bërë seks në hotel, por jo në zyrë dhe mund të quhet krim nëse ai përdor pushtetin në këmbim të seksit.

Krimin e shpërdorimit të detyrës duke kryer seks nuk e bën vendi ku ndodhet krevati, tavolina apo biblioteka, por motivet apo mungesa e vullnetit dypalësh.

A mos mendoni që ata politikanë që pallohen me sekretaret e tyre në Maldive apo Dubai janë më të moralshëm se Safeti që u filmua nga një dashnore profesioniste recidiviste?

Jooo mos u bëni naivë. Hoteli në Maldive nuk të bën më të pafajshëm nga tavolina dhe biblioteka me 300 libra të palexuara të Safetit.

Ahhh nëse do dërgoni një bionde me kamerë të fshhetë në zyrat e kryetarëve, jam i bindur që të gjithë do ulin brekët, jo vetëm në zyrë, por edhe poshtë tavolinës kur mbajnë konferenca shtypi, duke përdorur dy mikrofona: Poshtë dhe lart.

Sigurisht, të dy “në emër të popullit”!