web counter
LEXO PA REKLAMA!

SHKARKO APP

App Store
Google Play

E fundit!

x

“Kam qenë admirues i madh i Putinit”/ Albano Carrisi: Si më zhgënjeu dhe strehova familjen ukrainase

7 Qershor 2022, 20:35, Lifestyle CNA
“Kam qenë admirues i madh i Putinit”/ Albano Carrisi: Si
Këngëtari Albano Carrisi

Këngëtari italian me famë botërore, Albano Carrisi, ka folur sot për luftën Rusi-Ukrainë dhe për zhgënjimin që ka marrë nga presidenti rus Vladimir Putin.

Gjatë vizitës në Shqipëri, Carrisi tregoi se ka refuzuar të mbajë një koncert në Rusi, ndërsa zbuloi se ka qenë një admirues i madh i Putinit.

Ai deklaroi se nuk besonte asnjëherë se presidenti rus do të sulmonte Ukrainën.

“Po, po kam refuzuar të këndoj... Madje, më duhet ta them. Unë kam qenë një admirues i madh i Putinit. Kur nuk mund të flitej, mua s’më interesonte dhe flisja, sepse ndieja nevojën që të shprehja lirshëm mendimet e mia. Dhe nëse do të më kishin thënë “shiko se Putini ndoshta do të sulmojë Ukrainën”, unë do t’u thosha: Gaboni! Por në fakt gaboja unë!

Unë këndoja 5 herë për Putinin, kishte simpati dhe dashuri të madhe për Italinë, por edhe dëshirë për Perëndimin. Problemi është që NATO ka pushtuar toka që duheshin respektuar pak më shumë... Siç bënë në kohën e tyre Krushov dhe Kennedy. Kur Krushov çonte raketat në Kubë, sepse kishte fituar komunizmi i Fidel Kastros. Atëherë Kennedy i thotë: I dashur Krushov, je ti babai i kësaj lufte të tretë botërore, do t’i marrësh ti të gjitha përgjegjësitë duke ditur se çfarë ndodhi në të dytën? Pra, do vërtetë të fillosh Luftën e Tretë Botërore? Krushov e kuptoi riskun dhe anijet që ishin në qendër të Atlantikut  u kthyen pas dhe çuan raketat nga ishin nisur. Dhe kësaj here ndodhi ajo që nuk ndodhi radhën e shkuar...”, u shpreh këngëtari për "Report Tv".

Artisti gjithashtu foli edhe për ndihmën që po i jep një familjeje ukrainase dhe se si ranë në kontakt me ta.

“Më morën në telefon dhe më thanë, po vijnë shumë ukrainas... e më pyetën dëshiron që të mirëpresësh prej tyre? Dhe u thashë sigurisht, 4 veta... I mora në shtëpi dhe më kujtohet mbrëmja kur erdhi ajo zonjë me fëmijën e saj dhe dy djem të tjerë. Vështrimi i fëmijës ishte sikur t’i kishin dhënë dy grushte të forta në sy, i lodhur, me rrathë të zinj në sy.... Janë skena që njeriu s’do të përballet kurrë! Kurrë! Më kujtohet zonja që sapo më pa më tha: Ti je Albano këngëtari, edhe u duk sikur iu kthye çehra në fytyrë. Tani janë në shtëpinë time, janë mirë, dhe është një emocion i madh...

Në fakt ju keni strehuar edhe shqiptarë... Në mos gaboj mes tyre është edhe Aksinja Xhoja, bijë arti (vajza e aktorit Nikolin Xhoja) mike e familjes suaj dhe mësuesja e fëmijëve tuaj në piano...

Po, me të vërtetë ajo është një pianiste e jashtëzakonshme.. Kanë jetuar tek unë për një kohë të gjatë dhe pastaj së bashku me bashkëshortin vendosën që të jetonin në Brindisi, por miqësia mbetet”, theksoi Carrisi./ B.A. – CNA.al





Lajmet e fundit nga