web counter
LEXO PA REKLAMA!

SHKARKO APP

App Store
Google Play

E fundit!

x

Dy aktoret "braktisin" "Klanifornian"/ Turjan Hysko ka dy fjalë për të thënë

9 Shtator 2022, 09:43, Lifestyle CNA

Mëngjesin e sotëm, Turjan Hysko ka folur shkurtimisht në “Aldo Morning Show” lidhur me largimet që kanë ndodhur së fundmi nga “Klanifornia”. Në një bisedë telefonike me moderatorin Aldo, Turjan Hysko shprehet se janë larguar Delinda Disha dhe Eliona Pitarka, dy nga aktoret që prej vitesh i ishin bashkuar skuadrës së humorit.

Të dyja vajzat kanë nisur një rrugëtim të ri në televizione të tjera, por ndërkohë Hysko shprehet se kjo nuk i bën më përshtypje pasi secili ka të drejtë të ndjekë rrugën që do.

Pjesë nga diskutimi:

Aldo: Pyetje: Kush ka ikur?
Turjan Hysko: Ka ikur Delinda dhe Eliona.
Aldo: Ka dalë titulli ‘braktis’?
Turjan Hysko: Kanë dalë e kanë shkuar në televizion tjetër.
Aldo: “Ja pse braktisa?”
Turjan Hysko: Jo, nuk besoj që vajzat… vajzat  kanë filluar punën në një televizion tjetër, unë iu uroj shumë suksese. Me Delindën kemi pasur një bashkëpunim mos gaboj, 4-vjeçar. Ka qenë një bashkëpunim shumë i frytshëm në gjykimin tim. Mendoj që është një nga aktoret më të mira që unë kam pasur, mendoj që është e talentuar. Eliona ka pasur shumë më shumë vite, që nga “Apartamenti 2xl” dhe si me thënë, ka qenë e familjes, por kur ka ikur Kristiano Ronaldo nga Reali, gjithçka ndodh. Në fillim i përjetoja largimet, sidomos të Gentit tek “Agon Channel” e kam përjetuar goxha.
Aldo: Tani lëkura shollë?
Turjan Hysko: Lëkura shollë dhe realisht mendoj se ne jemi pak sanguinë kur ndodh diçka, duhen marrë më qetë kur ndodhin largimet, secili ka idetë e veta për atë që do të bëjë në jetë. Mendoj që për aq kohë sa kemi bashkëpunuar kemi qenë korrektë dhe e kemi bërë punën mirë. Kështu që të dyja gocave u uroj suksese në eksperiencat e tyre.
Aldo: Kemi ikje pra pa inat?
Turjan Hysko: Të thashë, i vetmi që kam dashur shumë ka qenë Gent Zeneli./CNA.al





Lajmet e fundit nga