web counter
LEXO PA REKLAMA!

SHKARKO APP

App Store
Google Play

E fundit!

x

Simbol i pranverës dhe fatit të mirë/ Ja disa kuriozitete për lepurin

21 Tetor 2025, 14:18, Kuriozitete CNA

Simbol i pranverës dhe fatit të mirë/ Ja disa kuriozitete

Lepuri është një gjitar barngrënës, që ushqehet me bar, gjethe, lule, perime e rrënjë. Zakonisht del për të kërkuar ushqim në agim dhe muzg, kur drita është e butë dhe grabitqarët janë më pak aktivë. Ai ka një ndjeshmëri shumë të madhe ndaj tingujve, falë veshëve të gjatë që e ndihmojnë të dallojë rreziqet nga larg.

Emri shkencor i lepurit është Lepus europaeus, që i përket familjes Leporidae dhe rendit Lagomorpha.

Lepus europaeus është lepuri i egër europian, më i zakonshmi në Europë. Familja Leporidae përfshin lepujt dhe koninët. Lepuri i shtëpisë (koniti), e ka emrin shkencor Oryctolagus cuniculus domesticus.

Femrat e lepurit janë shumë pjellore, mund të lindin disa herë në vit dhe çdo herë sjellin në jetë 2 deri në 5 lepuj të vegjël. Ndryshe nga shumë kafshë të tjera, lepujt e egër lindin me sy të hapur dhe me qime, gati për t’u përballur me botën pas vetëm pak orësh.

Lepuri është një nga kafshët më të shpejta në natyrë. Ai mund të arrijë deri në 60 km/orë, dhe përdor kthesa të papritura për t’u shpëtuar grabitqarëve. Këmbët e tij të pasme janë të ndërtuara për kërcime të gjata dhe sprint të menjëhershëm.

Në shumë shtëpi, lepuri mbahet si kafshë shoqëruese. Ai është i butë, inteligjent dhe mëson shpejt të përdorë një vend të caktuar për nevojat e tij. Kujdesi për të kërkon hapësirë për lëvizje, ushqim të freskët dhe shumë dashuri e butësi.

Në kulturën popullore, lepuri është simbol i pjellorisë, fatit të mirë dhe pranverës. Në shumë mite dhe legjenda, ai shihet si një krijesë e mençur e plot jetë./CNA

 

 

 





Lajmet e fundit nga