Arsyeja e vërtetë, pse portokallet shiten në çanta rrjete të kuqe?

25 Gusht 2024, 16:56, Kuriozitete CNA

Arsyeja e vërtetë, pse portokallet shiten në çanta rrjete

Foto ilustruese

A keni menduar ndonjëherë pse portokallet shiten shpesh në ato çanta rrjete të çuditshme të kuqe? Epo është një truk i përdorur nga prodhuesit e ushqimit dhe supermarketet për të “mashtruar” shqisat tuaja.

Një rrjetë plastike e kuqe ose portokalli rreth frutave ndihmon për të krijuar përshtypjen se lëvozhga e portokallit është një ngjyrë më portokalli, duke e bërë atë të duket më tërheqës për konsumatorët.

Nëse fruti është i papjekur, rrjeta me ngjyrë gjithashtu do të minimizojë gjelbërimin e tij dhe do të rrisë ngjyrën e tij, duke e bërë atë të duket i pjekur dhe më i shijshëm.

Në mënyrë të ngjashme, limonët shpesh vendosen në qese rrjete të verdha për të përmirësuar ngjyrën e tyre natyrale. Nëse do të vendoseshin në çanta të kuqe, do të dukeshin portokalli dhe jo aq tërheqëse.

Parimi bazohet në iluzionin e konfetit, një fenomen vizual ku perceptimi i ngjyrave ndikohet fuqishëm nga konteksti rrethues.

Në këtë iluzion optik, një top me ngjyrë neutrale vendoset brenda një rrjeti vijash me ngjyra të ndryshme. Kur vijat e një ngjyre të caktuar janë në plan të parë, ngjyra e topit duket se përzihet me atë të linjave.

Në një studim të ri, psikologu Karl R. Gegenfurtner nga Universiteti Giessen në Gjermani detajon se si çanta portokalli e supermarketit përdor iluzionin e konfetit.

Ai shkruan: “Unë blej lëng portokalli nga frutat e shitëses sime të preferuar Helga çdo të shtunë në tregun lokal. Një ditë, ajo nuk kishte asnjë portokall të bukur të pjekur, siç mund të pritej gjatë verës gjermane. U ndala në një supermarket, dhe pashë portokalle të futura në një çantë me rrjetë të kuqe që dukeshin mjaft të pjekur. Në shtëpi, kur nxora portokallet nga rrjeta, ndodhi çduia, çdo portokall, i dukur bukur brenda rrjetës, u kthye në një nuancë të thellë jeshile!” tha Gegenfurtner.

Duke i qëndruar besnik metodës shkencore, ai paraqiti edhe prova për të verifikuar pretendimin e tij.

“Ne konkludojmë se vetëm asimilimi i ngjyrave jep një efekt të fortë në pamjen e ngjyrës, duke e kthyer ngjyrën portokalli me pamje të gjelbër në një portokalli të bukur.

Eshtë e panevojshme të thuhet se shitësit e frutave e kanë kuptuar këtë shumë kohë më parë. Duke parë përreth në supermarkete është e lehtë të shihet se frutat dhe perimet (p.sh., limonët, qepët, kungull i njomë, apo edhe patatet) janë zakonisht të paketuara në rrjeta që kanë ngjyrën e ekzemplarëve të përsosur”, përfundon studimi.

Gazeta shpjegon se iluzioni i konfetit bazohet në parimin se truri ynë është i programuar për të përpunuar vizionin periferik dhe perceptimin e ngjyrave.

Në thelb, truri ynë synon të na ofrojë një përvojë të qetë që mund të kuptohet në mënyrë sa më efektive. Po kështu, sistemi ynë vizual është i lidhur për të perceptuar uniformitetin dhe tranzicionet e qeta. Kur rrjeta e kuqe vendoset mbi një portokall, truri ynë bashkon ngjyrat ngjitur për të thjeshtuar atë që shohim.

Nuk dihet nëse ky truk rrit shitjet e portokalleve, megjithëse ne do t'i inkurajonim studiuesit të marrin përsipër këtë detyrë për ta zbuluar.

Studimi i ri është publikuar në revistën i-Perception./ CNA