E fundit!

19:19 Kosova & Bota

I nxehti ekstrem në Greqi/ Qeveria urdhëron pezullim të detyrueshëm të punës për 4 orë në disa sektorë

Greqia ka ndërmarrë disa masa emergjente për mbrojtjen e p...

Shuarja e Skënder Rusi/ Mjeshtri korçar i poezisë la pas një trashëgimi të vyer

31 Maj 2024, 17:15, Kulturë CNA

Shuarja e Skënder Rusi/ Mjeshtri korçar i poezisë la pas

Poeti i njohur korçar, Skënder Rusi, ka mbyllur sytë përgjithmonë në moshën 72-vjeçare. Rusi njihet si liriku i letrave shqipe, që i dedikoi vargjet më të ndjera dashurisë.

Që kur ishte student në Shkodër, Rusi ka sjellë poezinë lirike si askush tjetër, poezi të cilën e ka lëvruar aq me shumë dashuri deri në frymën e fundit.

Ai shkroi edhe për miqtë e tij më të mirë sepse Rusi, ishte ndoshta më social se çdo poet tjetër.

Krijimtaria poetike e tij është pasuria më e madhe që poeti i la Devollit ku lindi e u rrit dhe Korçës së tij të dashur, qytetit në formë zemre, ku kaloi pjesën më të madhe të jetës dhe I thuri vargje siç vetëm ai dinte, ashtu siç i la një pasuri të madhe letrare të gjithë Shqipërisë.

Shuarja e Skënder Rusi/ Mjeshtri korçar i poezisë la pas

Prej më shumë se pesë dekadash ai i dhuroi shpirtin e tij poezisë shqipe.

Në tetor të vitit të kaluar, Rusi promovoi përmbledhjen e fundit poetike, me titull “Dalëngadalë unë po bëhem ikje”.

Pavarësisht gjendjes së rënduar shëndetsore, Rusi u ngjit në skenë dhe interpretoi disa vargje, si një paralajmërim I kobshëm për largimin e tij të parakohshëm.

“Dhe vjen një çast që në këtë anije s’do jem…

Unë i dhashë asaj lavdinë ajo më tha vdekjen”

Shuarja e Skënder Rusi/ Mjeshtri korçar i poezisë la pas

Skënder Rusi u lind më 1952 në Korçë dhe ka mbaruar studimet e larta për gjuhë-letërsi. Në vitin 1984 është diplomuar për dramaturgji dhe në vitin 1998 për drejtues biblioteke në Kajro.

Ka botuar 8 libra me poezi dhe dy nga dramat e tij janë vënë në skenë nga trupa e teatrit “A. Z. Çajupi”. Krijime të tija janë përfshirë nëpër antologjitë e disa vende të Evropës si në Gjermani, Zvicër, Maqedoni, Kosovë, Greqi etj.

Shuarja e Skënder Rusi/ Mjeshtri korçar i poezisë la pas

Prej 12 vjetësh është kryetar i Klubit të Shkrimtarëve “Bota e Re” në Korçë.

Prej 7 vjetësh organizoi dhe drejtoi aktivitetin më të madh kulturor në Korçë: “Netët korçare të poezisë” me poetë të ftuar nga Kosova, Greqia, Maqedonia, Turqia, Bullgaria, Rumania, Italia etj.

Në 2021-shin, Rusi u vlerësua me titullin ‘Qytetar Nderi” i Korçës./ CNA