web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në ishullin e Sazanit/ Jepet alarmi: Rrezikohet shpërthim municionesh

5 Qershor 2022, 21:06, Kronika CNA
Zjarri në ishullin e Sazanit/ Jepet alarmi: Rrezikohet shpërthim
Ishulli i Sazanit

Ministria e Mbrojtjes ka reaguar sërish për situatën e zjarrit në ishullin e Sazanit, ku prej mesditës së sotme flakët po shkrumbojnë bimësi dhe pisha.

61 efektivë të Forcës Detare dhe asaj Tokësore, por edhe punonjës të Agjencisë së Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve, ndërsa terreni i vështirë ka ngadalësuar ndërhyrjen.

Ministria e Mbrojtjes bën me dije gjithashtu se si një ish-repart ushtarak, rrezik paraqesin dhe municionet e pashpërthyera.

Njoftimi i Ministrisë së Mbrojtjes

Si pasojë e riaktivizimit të vatrës së zjarrit në zonën jugore të ishullit të Sazanit, që prej mesditës së të dielës, 61 efektivë të Forcës Detare dhe asaj Tokësore, por edhe punonjës të Agjencisë së Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve në ishull.

Terreni dhe bimësia e dendur kanë vështirësuar tej mase ndërhyrjen e trupave, ndërkohë që si një ish-repart ushtarak, rrezik paraqesin dhe municionet e pashpërthyera.

Trupat në terren vazhdojnë përpjekjet edhe gjatë orëve të pasdites, ndërkohë që janë marrë masa për zëvendësimin dhe shtimin e tyre./E.T-CNA.al





Lajmet e fundit nga