web counter
LEXO PA REKLAMA!

SHKARKO APP

App Store
Google Play

Vrasja makabre e Ilaria Sulës/ Flet babai i 22-vjeçares

3 Prill 2025, 16:09, Kronika CNA

 Vrasja makabre e Ilaria Sulës/ Flet babai i 22-vjeçares
Babai i Ilaria Sulës, Flamur Sula, ka folur në një televizion italian pas vrasjes makabër të së bijës. Babai i së ndjerës ka thënë se e bija i kishte thënë se i duhej të studionte për një provim dhe do të kthehej të shtunën në shtëpi.

Më tej, babai i Ilarias thotë se që prej së shtunës, familjarët dhe shoqet kishin marrë mesazhe të çuditshme nga numri i 22-vjeçares. Në një nga mesazhet shkruhej se Ilaria do të kthehej pas një muaji në shtëpi.

Flamur Sula ka thënë se e dinte që e bija ishte zhdukur, pasi në të kundërt ajo do t’i kishte telefonuar.

Sa i përket marrëdhënies së vajzës së tij me filipinasin Mark Samson, babai i Ilarias ka thënë se ata ishin bashkë prej një viti dhe 22-vjeçarja nuk kishte thënë asgjë më shumë.

“Ata ishin bashkë prej gati një viti e gjysmë. Vajza ime nuk tha asgjë, vetëm se duheshin. Ajo më tha se duhej të studionte për një provim dhe se do të kthehej të shtunën. E dija që ishte zhdukur, ndryshe do të më kishte telefonuar. Që nga e shtuna së bashku me shoqet e dhomës së Ilarias kemi marrë mesazhe të çuditshme nga numri i vajzës sime, sikur dikush donte të na bënte të besonim se viktima ishte ende gjallë. Më shkroi: 'Babi, mos u shqetëso, jam mirë, do të kthehem në Terni pas një muaji'”, ka deklaruar babai i Ilarias.

 

Ilaria Sula dyshohet se është goditur me thikë brenda një apartamenti në Romë nga i dashuri i saj filipinas. 23-vjeçari dyshohet se më pas e ka futur trupin e viktimës brenda një valixheje dhe e ka dërguar në një zonë pyjore në Poli.

Ai është arrestuar me akuzën e vrasjes me dashje, si edhe fshehjes së kufomës.

Tabulatet e celularit të viktimës kanë nxjerrë zbuluar 23-vjeçarin, i cili përdori telefonin e studentes shqiptare për të shkëmbyer mesazhe, si edhe për të publikuar postime në rrjetet sociale të Ilarias./ CNA





Lajmet e fundit nga