web counter
LEXO PA REKLAMA!

SHKARKO APP

App Store
Google Play

Plagosja në Pogradec/ Arrestohet 44-vjeçari që kishte thyer arrestin

31 Mars 2025, 14:54, Kronika CNA

Plagosja në Pogradec/ Arrestohet 44-vjeçari që kishte thyer

Policia arrestoi sot një 44-vjeçar, i cili kishte thyer masën e arrestit dhe iku me makinën që u largua nga vendngjarja ku mbeti i plagosur me mjet prerës shtetasi M. T., 36 vjeç.

Specialistët për Hetimin e Krimit të Komisariatit të Policisë Pogradec kanë vijuar veprimet hetimore lidhur me ngjarjen e ndodhur më datë 29.03.2025, në lagjen nr. 3, Pogradec, ku ngeli i plagosur shtetasi M. T., 36 vjeç, dhe në vijim u bë arrestimi i shtetasit L. O., për veprat penale “Plagosja e rëndë me dashje”, dhe “Prodhimi dhe mbajtja pa leje e armëve të ftohta”, si dhe u procedua penalisht shtetasi A. B., alias A. O., për veprën penale "Përkrahja e autorit të krimit".

Në vijim të veprimeve hetimore ka rezultuar se në momentin që ka ndodhur ngjarja ka qenë prezent dhe shtetasi S. J., i cili është larguar me automjetin me të cilin u largua dhe autori nga vendi i ngjarjes.

Po nga hetimet ka rezultuar se shtetasi S. J., kishte thyer masën e sigurisë "Arrest në shtëpi", të dhënë nga Gjykata e Korçës, për veprën penale "Drejtimi i mjetit në mënyrë të parregullt".

Në vijim u bë kapja dhe shoqërimi në Komisariatin e Policisë Pogradec, i shtetasit S.J., 44 vjeç, banues në Blacë, Pogradec, i cili u arrestua për veprën penale “Largimi i të burgosurit nga vendi i qëndrimit”.

Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprat penale “Largimi i të burgosurit nga vendi i qëndrimit”./CNA





Lajmet e fundit nga