web counter
LEXO PA REKLAMA!

SHKARKO APP

App Store
Google Play

Vrasja e gjyqtarit Astrit Kalaja/ Vihen në pranga dy persona të tjerë

7 Tetor 2025, 08:17, Kronika CNA

Vrasja e gjyqtarit Astrit Kalaja/ Vihen në pranga dy persona të

Dy persona të tjerë janë arrestuar në lidhje me vrasjen e gjyqtarit Astrit Kalaja ditën e djeshme në Gjykatën e Apelit të Tiranës.

Në pranga ka rënë Gjon Shkambi, xhaxhai i autorit, Elvis Shkambi dhe roja i Gjykatës së Apelit.

Gjyqtari Astrit Kalaja u ekzekutua ditën e djeshme në sallën e gjyqit të Gjykatës së Apelit, nga Elvis Shkambi.

Autori Elvis Shkambi ka qenë i pranishëm në sallën e gjyqit, ku në orën 14:00 kishte nisur një seancë për një çështje pronësie, në të cilën ishte palë e gjyqit xhaxhai i tij.

Më pas, seanca ka vijuar normalisht derisa gjyqtari Astrit Kalaja u njoh me pretendimet e të dyja palëve.

Disa minuta më vonë, gjyqtari ka dhënë vendim në favor të palës kundërshtare të Shkambit, shtetasit R. K. dhe E. K., të cilët janë plagosur dhe janë jashtë rrezikut për jetën.

Shkambi e ka qëlluar me pistoletë gjyqtarin sapo ka dhënë vendimin.

Pas krimit të kryer brenda gjykatës, autori i ka dorëzuar armën rojës së sigurisë së gjykatës dhe më pas është larguar tek oborri i gjykatës, ku jashtë ishte edhe patrulla e policisë.

Autori nuk ka bërë rezistencë dhe ka qëndruar në ambientet e oborrit të gjykatës derisa policët i vendosën prangat.





Lajmet e fundit nga