web counter
LEXO PA REKLAMA!

SHKARKO APP

App Store
Google Play

Vrasja e dyfishtë në Velipojë/ Arrestohen dy persona

20 Gusht 2024, 10:34, Kronika CNA
Vrasja e dyfishtë në Velipojë/ Arrestohen dy persona
Foto ilustruese

Policia ka vënë në pranga dy persona për vrasjen e dyfishtë, të regjistruar mbrëmjen e djeshme në Velipojë.

Raportohet se në pranga janë 2 punonjësit e hotelit të autorëve, shtetasit me iniciale M. P. dhe Z. Z., të dyshuar si bashkëpunëtorë.

Autorë të ngjarjes dyshohet se janë dy vëllezërit G. F. dhe dhe E. F.

Ndërkohë, viktimat janë identifikuar si shtetasit me iniciale E. I. dhe A. H. Këta të fundit humbën jetën në spital për shkak të plagëvce të rënda me armë.

Njoftimi i plotë:

Në lidhje me ngjarjen e mbrëmshme, në Velipojë, ku u vranë me armë zjarri, shtetasit A. H. dhe E. I., ju informojmë se:

Si rezultat i veprimeve të shpejta dhe profesionale hetimore, të kryera menjëherë pas ngjarjes:
-Sektori për Hetimin e Krimeve të Renda i Drejtorisë Vendore të Policisë Shkodër ndaloi shtetasin M. P., 29 vjeç, banues në Shkodër;
-në bashkëpunim me shërbimet e Policisë së Lezhës, u ndalua shtetasi Z. Z., 26 vjeç, banues në Dibër.

Këta 2 shtetas, punonjës në një lokal në afërsi të vendit ku ndodhi ngjarja e mbremshme, dyshohet se janë përfshirë në konfliktin ndërmjet shtetasve E. F., G. F., A. H. dhe E. I..

Shtetasi Z. Z., rreth orës 23:20, është paraqitur për të marrë mjekim, në spitalin rajonal të Lezhës, i dëmtuar lehtë në këmbë, me armë zjarri. Ai dyshohet se është plagosur gjatë të shtënave me armë zjarri.

Shërbimet e Drejtorisë Vendore të Policisë Shkodër dhe të strukturave në varësi të saj, të mbështetura nga grupe të Forcës Kombëtare të Sigurisë, Njësia Shkodër, vijojnë intensivisht kërkimet për lokalizimin, kapjen dhe vënien në pranga të shtetasve E. F. dhe G. F..

Gjithashtu, në drejtimin e Prokurorisë së Shkodrës, po kryhen hetime dhe po fiksohet çdo provë që do të mundësojë dokumentimin ligjor të rrethanave të kësaj ngjarjeje, si dhe individualizimin e përgjegjësisë penale së 2 shtetasve të ndaluar./ CNA





Lajmet e fundit nga