web counter
LEXO PA REKLAMA!

SHKARKO APP

App Store
Google Play

Vrasja e biznesmenit shqiptar në Rodos/ Burg për autorët e dyshuar, familjarët të tensionuar: Të kalben në burg

10 Shtator 2022, 18:26, Kronika CNA
Vrasja e biznesmenit shqiptar në Rodos/ Burg për autorët e
Foto ilustruese

Dy autorët e dyshuar për vrasjen e biznesmenit shqiptar, Xhani Topalli në Rodos, janë lënë në burg.

Pas rrëfimit të tyre, me vendim unanim të Hetuesit dhe Prokurorisë janë cilësuar si të arrestuar të përkohshëm dhe janë lënë në burg, ndërsa me mbylljen e hetimeve pritet të jepet edhe dënimi për ta.

Dy të pandehurit në prani të avokatëve kanë pretenduar se vdekja e biznesmenit shqiptar kishte ndodhur si pasojë e rënies së tij në tokë, por nuk argumentuar se si kishhte mbetur me një litar në qafë.

Ndërkohë që dy autorët njiheshin me masë brenda gjykatës, jashtë saj, atdhetarë dhe familjarë të viktimës janë mbledhur dhe të tensionuar kanë kërkuar që ata të kalben në burg.

Në një deklaratë për mediat, kryetari i Komunitetit Shqiptar të Rodosit, Aris Kasapi, deklaroi se ata donin jo vetëm të shprehnin indinjatën e tyre për vrasjen e 46-vjeçarit, por të kërkonin dënimin shembullor për ata që janë përgjegjës.

“Jemi mbledhur si njerëz, si bashkatdhetarë të viktimës për të dërguar një mesazh, për të kërkuar dënimin real të atyre personave që i morën jetën. Ky është një krim i urryer dhe ajo që ne kërkojmë është që Drejtësia të vihet në vend”, tha  Kasapi, ndërsa përmendi se javën e ardhshme do të mbahet një miting i madh në Rodos nga komuniteti shqiptar në bashkëpunim me sindikatat e ishullit.





Lajmet e fundit nga