web counter
LEXO PA REKLAMA!

SHKARKO APP

App Store
Google Play

Vajzat ziheshin për flokësh, një djalë i filmonte/ Policia shoqëron 5 të miturit

24 Shkurt 2023, 19:39, Kronika CNA

Vajzat ziheshin për flokësh, një djalë i filmonte/ Policia

Policia ka reaguar pas videos së vajzave minorene, të cilat janë zënë me shqelma dhe janë kapur për flokësh.

Blutë bëjnë me dije se pas publikimit të pamjeve filmike, organizuan punën për identifikimin e shtetaseve që shfaqen në video si dhe sqarimin e rrethanave të kësaj ngjarjeje.

Pas verifikimive të kryera për identifikimin e tyre, në bashkëpunim edhe me drejtorinë e shkollës, u bë i mundur identifikimi i një të mituri që kishte filmuar konfliktin, si dhe identifikimi i 4 të miturave të përfshira në konflikt.

Në ambientet e Komisariatit të Policisë Nr. 6, në prezencë të prindërve dhe të punonjësve socialë, janë shoqëruar dhe po intervistohen 5 të mitur të moshave 13 dhe 14 vjeç (një djalë e 4 vajza).

Nga verifikimet paraprake të kryera, ka rezultuar se ngjarja ka ndodhur me datë 15.02.2023, në rrugën "3 Dëshmorët", dhe jo në ambientet e shkollës "Kongresi i Manastirit".

Ndërkaq, po vijon puna për sqarimin e rrethanave të konfliktit nëpërmjet shtetaseve të mitura./ B.A. – CNA.al





Lajmet e fundit nga