Sigurim i kushteve për vrasje dhe kontrabandë mallrash/ Vihen në pranga dy të shpallur në kërkim

5 Mars 2026, 14:03, Kronika CNA

Sigurim i kushteve për vrasje dhe kontrabandë mallrash/ Vihen në

Dy persona të shpallur në kërkim për vepra të ndryshme penale janë vënë në pranga.

Njërit prej të arrestuarve, 34-vjeçari K.L., Gjykata e Durrësit, në vitin 2023 i ka caktuar masën e sigurisë “Arrest në burg” për veprat penale “Sigurimi i kushteve dhe i mjeteve materiale për të kryer vrasje” dhe “Shkelja e rregullave mbi lëndët plasëse dhe djegëse”.

Ai akuzohet se ka siguruar një sasi lënde plasëse që është gjetur në një banesë në lagjen nr.10, Durrës, në vitin 2022, e cila nga hetimet rezultoi se do të përdorej për ngjarje kriminale.

Personi tjetër i arrestuar, një shtetas malazez ishte shpallur në kërkim, pasi Gjykata e Durrësit në vitin 2025 i ka caktuar masën e sigurisë “Arrest në burg” për veprën penale “Kontrabanda me mallra me regjim të ndërmjetëm”.

Njoftimi i policisë:

DVP Durrës/Vijon puna për kapjen dhe ndalimin e shtetasve të shpallur në kërkim.

-Akuzohet se ka siguruar një sasi lënde plasëse që do të përdorej për ngjarje kriminale, në Durrës, kapet dhe ndalohet 34-vjeçari.

-Akuzohet për kontrabandë mallrash, kapet dhe ndalohet shtetasi malazez.

Stukturat e DVP Durrës, në vijim të punës për kapjen dhe ndalimin e shtetasve të shpallur në kërkim, kanë shkëmbyer informacione dhe kanë bashkëpunuar strukturat e Policisë Kufitare në Kukës dhe në Shkodër, për kapjen e 2 shtetasve në kërkim.

Si rezultat i bashkëpunimit me shërbimet e Policisë Kufitare Morinë, u bë e mundur kapja në hyrje të RSh-së, në PKK Morinë, dhe ndalimi i shtetasit K. L., 34 vjeç, banues në Dibër.

Ky shtetas ishte shpallur në kërkim, pasi Gjykata e Durrësit, në vitin 2023, i ka caktuar masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje” dhe “Shkelja e rregullave mbi lëndët plasëse dhe djegëse”. Ai akuzohet se ka siguruar një sasi lënde plasëse që është gjetur në një banesë në lagjen nr.10, Durres, në vitin 2022, e cila nga hetimet rezultoi se do të përdorej për ngjarje kriminale.

-Si rezultat i bashkëpunimit me shërbimet e PKK Bashkim, Shkodër, u bë e mundur kapja në hyrje të RSh-së, në PKK Bashkim, dhe ndalimi i shtetasit malazez B. R., 44 vjeç, banues në Malin e Zi.

Ky shtetas ishte shpallur në kërkim, pasi Gjykata e Durrësit, në vitin 2025, i ka caktuar masën e sigurisë “Arrest në burg”, për veprën penale “Kontrabanda me mallra me regjim të ndërmjetëm”.

Materialet procedurale iu kaluan Prokurorisë, për veprime të mëtejshme. /CNA